Miles ug Khalil sa MMK

CEBU, Philippines -  Magpares sila si Miles Ocampo ug Khalil Ramos sa "Maalaala Mo Kaya" karong gabii. Istorya kini sa teenagers nga mag-M.U. (mutual understanding) ang estado sa ilang  relasyon apan  nitumaw ang problema sa dihang nakapamabdos ang lalaki og laing babaye

Marian naglikay sa gubot

Gusto ni Marian Rivera nga magmalinawon ang iyang kinabuhi busa nagdumili siya sa pagkomento kalabot sa report nga gidedma siya ni Lovi Poe sa dihang nagkaabot sila sa parking lot sa GMA-7 sa miaging semana.

Ryzza nakugang

Hangtud karon, wala gihapon makatuo si Ryzza Mae Dizon sa pagkalakip sa iyang pangalan sa listahan sa 100 Beautiful Celebrities sa YES Magazine. Suma pa ni Ryzza nga bisan bag-o pa lang siya sa showbiz nagsagunson na ang mga nadawat niya nga pasidungog.

Ginganlan na gyud

Gibutyag ni Melissa Ricks ang pangalan sa iyang non-showbiz boyfriend nga amahan sa bata nga iyang gisabak. Ginganlan kini og Charles Togesaki ug usa kini ka negosyante.

Naangkon sa TV5

Ang TV 5 maoy official TV partner sa 2014 Summer Youth Olympics karong August 16 hangtud sa  August 28). Ang maong network gihapon ang nakaangkon sa rights sa  2014 Asian Games karong September 19 hangtud sa October 6.

Dennis pugngan si Claudia

Miduso si  Dennis Padilla og motion to intervene sa Quezon City RTC kagahapon aron mapugngan ang ikaduhang anak nila ni  Marjorie Barretto nga si Claudia kinsa magpausab  pud sa iyang  apelyido, sama sa nahitabo sa igsuon niini nga si  Julia.

Bag-ong babaye

Lain na pud nga pangalan sa babaye ang nilutaw nga matud pa dunay sex video uban kang  Paolo Bediones. Kini mao ang model ug  dancer nga nahimong kabahin niadto sa  Deal or no Deal nga si  Andrea Shin. Wala pa mohatag og komento si Andrea sa maong isyu.

I-promote sa Japan

Todo promote karon si Sheryl Cruz  sa iyang ikaupat nga album ug iyaha kining gipasigarbo gumikan kay iyang original compositions ang unod sa maong album. Gikatakda usab niya kini nga i-promote didto sa Japan. Ang maong album nag-ulohan og Sa Puso ay Ikaw Pa Rin.

Charity concert

Mag-uban sa entablado ang mga kampeyon sa nagkadaiyang edisyon sa The Voice nga sila si  Lyca Gairanod ug Mitoy Yonting alang sa usa ka charity concert karong gabii. Mo-perform usab ang ubang mga produkto sa The Voice Kids nga sila si Darren Espanto, Juan Karlos Labajo, ug Darlene Vibares. Molugwa  usab sa maong concert ang kanhi finalists sa The Voice nga sila si Klarisse de Guzman ug Morissette Amon.