Paolo gi-blackmail!

CEBU, Philippines -  Nidangop sa kapolisan ang TV 5 news personality nga si Paolo Bediones aron ipahunong na ang padayon nga pagkatap sa gidungog niya nga sex video.

Sa Instagram ni Paolo, ni-post siya og hulagway sa giingong mensahe sa giingong tawo nga gusto nga mo-blackmail kaniya busa giimbestigar na kini karon sa Philippine National Police- Anti Cybercrime Division .

Sa usa ka suwat,  nakabutang nga gihuptan gihapon sa maong tawo ang ubang sex videos ni Paolo.

"Madali naman akong kausap! Kung ayaw mong lumabas ito sa publiko, tawagan mo ako," mensahe nga nakasulat sa papel nga gipadala ngadto ni Paolo.

Sa katapusang bahin sa suwat, gibutang sa  tawong nagpadala og suwat ang iyang cellphone number.

Bisan pa sa mga isyu nga giatubang ni Paolo, wala gyud siya nagpadala niini aron dili maapektohan ang iyang trabaho.

Padayon siya nga malantawan sa news program sa TV5 nga Aksyon Tonite ug ni-post siya og mensahe sa iyang Instagram account nga nagkanayon, "Life goes on. On air in a bit."