Jake at Bea kulang sa suporta ng GMA?!
Sinisimulan nang itapat ng fans sina Jake Vargas at Bea Binene kina Daniel Padilla at Kathryn Bernardo. Feeling ng fans ay lumebel ap na ang estado ng GMA love team dahil nanalo itong Celebrity Couple of the Year sa katatapos na Yahoo! Celebrity Awards.
But I must admit, milya-milya na ang layo nina Daniel at Kathryn kina Jake At Bea. Unang una, may mga successful love team movies na sila. Sa TV pa lamang sinisimulan ang love team nina Jake at Bea at hindi pa sila sinesentruhan ng publisidad ng network. Kailangan pa sigurong kakitaan sina Jake at Bea ng mas malaki pang potensyal bilang isang pareha bago sila sugalan ng istasyon. Kaya kayong fans, easy lang kayo. Huwag kayong magmadali. Kung talagang sisikat ang mga idolo n’yo, mangyayari rin ito.
Samantala, dasal ko rin na bigyan pa sila ng programa ng Siete para mas makilala pa sila. Gaya nang ginagawa ng ABS-CBN kina Daniel at Kathryn.
Talo man sa Spain, Uge nauna nang nagwagi sa Japan
Eh ano kung natalo sa pagka-best actress si Eugene Domingo sa sinalihang film festival sa Madrid, Spain ng pelikula niyang Mga Kuwentong Barbero (The Barber’s Tales)? Hindi naman umuwing luhaan ang movie, nanalo naman ang direktor ng movie na si Jun Lana ng Best Director of a Foreign Language Film. Saka nanalo naman ng Best Actress si Uge sa Tokyo International Fim Festival para sa nasabi ring pelikula.
Niño nabuhayan ng loob sa bunsong si Alonzo
Aba at may isa palang anak si Niño Muhlach na sumasabak sa pag-aartista! Balitang kasama ito sa episode ni Ryzza Mae Dizon sa pang-MMFF 2014 entry ni Vic Sotto. Baka rin daw maging Ding ito ni Darna sa muling pagbabalik-pelikula o TV ng babaeng lumilipad ni Mars Ravelo.
I’m sure excited na naman si Onin sa kanyang bunso. Hindi kasi natuloy sa pag-aartisya ‘yung panganay niya. Kaya dito kay Alonzo, nabigyan siya ng bagong pag-asa.
- Latest
