Ayaw ilabay!

Okay so akong gipaambitan last Sunday nga kun mag-text ko ako gyud nga kumpletohon and English kasagaran aron maka-save og space kay taas na kaayo basta binisay-on o tagalogon. Ako sang gi-share nga kun dili ko sure sa akong grammar sa akong facebook posts, akong i-spell check ug mangutana ko sa akong mga friends unsay husto gyud. Pakkk!

Karon, musugot mo o sa dili, duna pa koy laing i-share. Growing up in Pilar, Camotes ganahan na gyud ko mubasa og newspaper, apan sa Ormoc, City pa mana paliton gud, so mga usa ka oras pa nga byahe baya pumpboat. Unya kay kun mamalihug ka'g mga taga pumpboat kay maikog man sab ka nga dili mupadangog so mas dako'g gasto. Hinungdan nga maayo na lang kun makagunit mi og newspaper ka usa sa usa ka semana. Ug sa walay pagpamakak, Philippine Star na gyud among basahon sa una pa. Pakpak!

Unya kun naa na koy newspaper, kada adlaw ko mag-atubang sa samin ug magpa aron ingnon nga newscaster kunohay. As young as 13years old kay nakahukom na baya ko nga Masscom gyud akong kurso, so everyday ko nag-practice unsaon pagbasa og balita with matching voice modulation.  Kada adlaw gyud to, hangtud ni-graduate ko og high school. Nakakat-on ko asa dapit mu-pause, asa dapit mubuylo sa akong tingog ug uban. And I'm sure mao kadto ang nakatabang nako nganong usahay naay muingon nga nindot matud pa ko paminawon on air kun mubasa og balita. Pakkk!

Apan kay lagi nihit o talagsa ra kaayo mi makahupot og newspaper kaniadto, kanang mga old issue nga  maoy giputos sa among mga pinalit, ako nang pangtaguan, dili nako ilabay. That was because, kato na puy akong gamiton basta bation ko og pagka newscaster. Ug kun aduna koy dili masabtan nga word, akong isuwat sa notebook kay akong pangitaon ang meaning niini gamit ang dictionary. Unya, balikon na sab to nako'g basa ang newspaper by the time nga nakasabot nako sa buot pasabot sa word nga wala nako hisabti. Pakkk!

So kamo diha mga mama ug papa, ayaw na'g ipanglabay ang mga putos sa inyong pinalit, gamita hinuon kana aron makat-on pagbasa inyong mga anak ug kun aduna kamoy dili masabtan, kuhita si Mr. Webster. Apan kun wala kamoy dictionary, ipapangutana na lang ang mga magtutudlo sa inyong mga anak unsay buot pasabot sa wala ninyo hisabti o ba kaha sa inyong silingan nga feeling ninyo maoy makatubag ninyo. Pakpak!