3 Pinoy nakasulod sa "X Factor" Australia
CEBU, Philippines - Tulo ka mga Pinoy ang dunay hugyaw nga talento sa pagkanta ang nasulod sa sunod nga round sa "X Factor" Australia ug puros kini nakadawat og standing ovation gikan sa mga hurado sa maong show.
Gipakpakan pag-ayo ang rendisyon ni Marlisa Punzalan, 14, sa dihang giawit niya ang Beatles classic nga "Yesterday."
Nakauyon pag-ayo sa iyang performance mao ang usa sa mga hurado sa maong show nga si Ronan Keating.
"You moved me with that performance beyond anything I've seen in that stage in five years. It was incredible," mensahe pa ni Keating ngadto ni Punzalan.
Nakasulod usab sa "X Factor" Australia ang laing mga Pinoy nga sila si Justin Vasquez, 15, kinsa giabibahan og maayo sa audience gumikan sa version niya sa Sunday Morning nga gipasikat sa Maroon 5. Wala usab nagpabangbang sa maong show ang 28- anyos nga si Mary Ann Van Der Horst nga nagtrabaho isip health care worker sa Victoria, Australia .
- Latest
