Make-up Inday! Presko nga dagway

CEBU, Philippines - Bisan kinsa kanato ganahan gyud nga blooming kanunay ang atung panagway,  ilabi na sa mga babaye.  Ang usa sa mga banggiitang make-up artists sa Sugbo nga si Cliff C. Flores mipaambit dinhi sa Banat News In og tips aron magpabiling presko ang dating sa imong panagway.

Nahimong make-up artist si Cliff sa ABS-CBN Cebu niadto  ug ingon man usab sa nagkadaiyang fashion show, ug mga dagkong kasal. Resident make-up artist sa Miracle Weddings nga gidumala ni Darling Lim.

Cliff’s Tips

1.)Sa dili pa ka mobutang og make- up, seguradua nga limpyo ang imong nawong.  Kinahanglan nga limpyo usab ang imong mga gamit sama sa foam, brushes ug uban pa. Sensitive baya kaayo na ang panit sa atong nawong.

2.)Sa pagbutang nimo og liquid concealer, foundation o ba kaha face powder, pangita gyud og lighter shade sa imong skintone. Gamay lang gyud ang ibutang niini nga mohaom sa imong panit.

3.)Mogamit gyud  ka og specific  brush sa pagamit nimo sa imong make-up. Kung wala ka’y brush, puwede ka mogamit sa imong tudlo, (kinahanglan nga limpyo), hangtud nga mobagay ang make-up sa imong nawong. Apili gamay ang imong liog aron mobagay gyud.

4.) Kung magbutang ka og eyeliner, kinahanglan mopili og light color. Hinay hinay lang gyud sa pag-apply niini. Mahimo ka mopili og very light pink or super light old rose red blusher.  Kung lipstick pud ang hisgutan, ayaw nang baga, mahimo ra pud ka mobutang og lip gloss aron presko gyud ang dating sa imong panagway.

5.)Kitang tanan, adunay tinagoan nga kaanyag, ug ang pagbutang og make-up mopalutaw niini basta dili gyud bag-on. Sa imong bag- kinahanglan dili nimo malimtan ang eyeliner, lipstick, blush-on, powder o extra liquid concealer ug brushes.

 Tips alang sa lantip nga panghuna-huna

Unsa man gyud nga mga prutas, utanon ug mainum ang makatabang sa  pag lantip sa huna-huna,  dili lang sa mga edaran, lakip na usab sa mga estudyante kinsa nagkaduol na ang mga eksaminasyon sa ilang tunghaan?

Puwes, pahimutang namo diha , ania ang mga angayan nga buhaton, kaunon ug imnon nga makatabang sa matag’usa kanato:

1. Kaon og mga utanon

Ang mga utanon sama sa cauliflower, kangkong, broccoli ug repolyo, makatabang paglantip sa panghuna-huna kay tungod maghatag kini’g mga bitamina nga gikinahanglan sa atong utok sama sa Vitamin E, naa pud kini  antioxidant  nga magtabang sa paghilis sa mga kemikal nga hinimo sa atong lawas. Maghatag sab kini og  tulo ka klase sa Vitamin  B sama sa folic acid, B6 ug B12 kinsa makatabang paglikay sa alzheimers o sa pagkamalimtanon.

2. Ang paggamit sa “senses” sa lawas:

 Ang paggamit sa pipila ka senses nato sa atong lawas makatabang sa pagpagana sa atong utok. Sama sa pagbuhat og butang sa lahing pamaagi. Usa sa example ani kay ang paminaw og music samtang magsimhot og buwak.

3. Inom og red wine

Alang sa uban,  ang pag-inom og mga makahubog  kay dili na maayo sa lawas apan kung dili lang kini palabian, makatabang man sab diay kini sa utok sama sa red wine. Pag-inom katulo sa usa ka adlaw nga saktong servings sa bino, dili sama sa uban nga mga ilimnon nga alkohol (ilimnon, beer). Giingong ang grapes nga naa sa red wine, aduna kini content nga  antioxidants.

4. Tulog sa saktong oras

Kini makatabang sa  pagpahuway sa lawas ug sa utok. Makatabang kini sa pagpawala sa  stress nga dala sa atong pang adlaw-adlaw nga mga gimbuhaton. Makatabang usab kini sa  paghatag og nindot nga panit. (Christa Mae Velez og Frenz Maireen F. Taborada, USJR Masscomm Intern , ug gikutlo gikan sa http://www.emedexpert.com/tips/brain.shtml)