Devon wala pa'y nataypan

CEBU, Philippines - Giangkon sa Sugbuanon nga aktres nga si Devon Seron nga single gihapon siya gumikan kay wala pa siya'y nakit-an nga lalaki nga mipapitik sa iyang kasing-kasing.

"Very simple lang naman 'yung tipo ko, ayoko ng masyadong bonggacious," tsika pa ni Devon ngadto sa Push.com.ph.

Giklaro hinuon ni Devon nga wala siya magdali sa maong butang sanglit naa sa iyang career ang konsentrasyon niya karon gumikan kay gusto gyud niya  nga makatabang sa iyang pamilya.

Kasamtangang malantawan si Devon sa seryeng Moon of Desire ug nakadawat siya og positibong mga feedback kalabot sa team-up nila ni Kevin Fowler sa maong serye.

Bag-ong dagway

Laing personalidad na usab ang gi-impersonate karon ni Paolo Ballesteros ,nag-post na usab siya og hulagway sa  iyang Instagram Account kung diin ang iyang dagway susama ni  Beyonce Knowles. Naandan na kini ni Paolo, gani gisundog niya niadto ang hitsura ni Shamcey Supsup.

Exclusively dating

Giangkon ni Cristine Reyes nga malipayon siya sa dagan sa iyang kinabuhi karon apan giklaro niyang "exclusively dating" pa sila sa non-showbiz nga Persian guy.

Xian wala mahulga sa Kimerald

Gipadayag ni  Xian Lim nga wala siya mabalaka sa pagbanhaw sa love team nila ni Kim Chiu ug Gerald Anderson. "Wala naman talagang ikaka-worry talaga," suma pa ni Xian.

Halad  kang Pidol

Nihalad og misa ang pamilyang Quizon kauban ang ilang mga higala alang sa ikaduhang anibersaryo sa kamatayon ni Comedy King Dolphy nga gisaulog niadtong Huwebes, Hulyo 10.

Friends ra gyud

Giklaro ni Derek Ramsay nga bisan sa kasuod nila ni Kris Aquino, wala gyud masulod sa iyang huna-huna nga magkadayon silang duha. Suma pa ni Derek nga komportable siya kang Kris gumikan kay tinud-anay gyud niya kini nga higala.

Beauty nagkalami

Lahi na gyud ang porma sa lawas karon ni Beauty Gonzalez kung itandi nato sa una, si Beauty mirampa sa iyang sexy  black bikini sa FHM Bash sa  miaging gabii. Daghan ang wala magdahum sa kausaban sa aktres. Usa si Beauty sa produkto sa Pinoy Big Brother diin midaug siya isip fourth placer sa maong reality show niadtong 2008.

Erich modala isip bitin

Si Erich Gonzalez mao ang modala isip "mythical twin snake" sa usa ka mall sa laing halad sa "Shake, Rattle & Roll" ug ang maong episode  nag-ulohan og "Ahas". Kauban ni Erich sa maong pelikula si JC De Vera nga leading man usab niya sa umaabot niya nga pelikulang "Once A Princess".

Hapsay ang tanan

Tsika pa ni  Vandolph Quizon nga wala sila'y problema sa iyang mga igsoon kalabot  sa mga kabilin sa iyang amahan nga si Comedy King Dolphy. Dugang pa niya nga sa wala pa mamatay ilang amahan, gisiguro na nini nga  maayo ang relasyon sa iyang mga anak sa usa’g-usa.