Kasama siyempre ako, LT dadayo uli sa Europe para magpa-stem cell!

Pupunta kami ni Lorna Tolentino sa Europe para sa second round ng aming fresh stem cell therapy.

Hindi kami vain ni LT. Pareho lang kami na malaki ang pagpapahalaga sa kalusugan kaya sasailalim uli kami sa fresh stem cell therapy.

Excited na ako sa nalalapit na Europe trip namin ni LT dahil sa mga lugar na aming pupuntahan.

Siyempre, ikukuwento ko sa inyo ang mga experience namin sa second round ng aming stem cell therapy.

Matagal nang nakaplano ang a­ming biyahe sa Europe kaya wala itong conflict sa taping ni LT para sa My Destiny.

Panoorin n’yo na lang ang My Destiny para malaman ninyo ang solusyon na ginawa ng writers ng show sa karakter ni LT.

Joey nagawa pang mag-design ng t-shirt

Nakabibilib talaga ang creativity ni Joey de Leon na gumawa ng logo para sa pagdiriwang ng ika-tatlo at kalahating dekada ng Eat Bulaga sa telebisyon.

Sobrang busy na tao ni Papa Joey pero naisip pa niya na magpagawa ng T-shirt na may kahanga-hanga na logo para sa anniversary celebration ng number one noontime show ng bansa.

Tunay na henyo si Papa Joey na hindi matatawaran ang husay sa painting, paggawa ng kanta, tula, at kung anik-anik pa.

Ang mga kagaya ni Papa Joey ang dapat na ma-nominate bilang National Artist dahil sa rami ng mga kontribusyon niya sa entertainment industry.

Tomboyita tiyak na pagpipiyestahan si Marian

Magpipista na naman ang mga mhin at ang mga tomboyita sa victory party ngayong gabi ng FHM Philippines.

Ito ang bihirang pagkakataon na makikita nila nang personal ang kaseksihan ni Marian Rivera at ng ibang mga babae na kasali sa 100 Sexiest List ng FHM.

Kasali sa Top 5 si Jennylyn Mercado pero hindi pa sure kung makakarampa siya sa FHM party. Makadalo man siya o hindi, nagpapasalamat si Jennylyn sa fans na bumoto sa kanya. Hindi makapaniwala si Jennylyn na kasali siya sa Top 5 dahil nanay na siya.

Rochelle walang paki kahit nilalait ang pagpapa-sexy

Si Rochelle Pangilinan ang cover girl ng July issue ng FHM.

Seksing-seksi si Rochelle sa cover at sure na rarampa siya sa FHM party. Asahan natin na magiging daring si Rochelle dahil pinaghandaan niya ang bonggang event ng FHM.

Dedma si Rochelle sa mga basher niya dahil mas marami ang pumupuri sa kanyang sexy cover pictorial. Kung makapanglait naman kasi ang detractors ni Rochelle, parang kagandahan sila at super sexy. Hindi nga nila mailantad ang kanilang mga mukha at katawan ‘no!

Linggit tuwang-tuwa…

 Dinala ko kahapon sa condo building na tinitirhan ni Linggit Tan ang kopya ng Pilipino Star NGAYON o PSN.

Naglambing sa akin si Linggit na bigyan ko siya ng kopya ng PSN dahil ikinuwento ko sa kanya na isinulat ko ang kasal nila ni Rommel Marasigan.

 Tuwang-tuwa si Linggit dahil lumabas sa PSN ang isa sa pinakamahalaga na bahagi ng kanyang buhay, ang Christian wedding nila ng kanyang dyowa.

 Executive si Linggit ng ABS CBN at isa ako sa mga ninang niya sa kasal. Mga wedding sponsor din sina Zsa Zsa Padilla, Edgar Mortiz, at Mama Charo Santos.