Star Cinema babies

CEBU, Philippines- Mipirma na og kontrata sa miaging adlaw sila si Janella Salvador ug Liza Soberano sa  Star Cinema. Dakong garbo alang kanila nga mahimong kabahin sa nahisgutang movie outfit.

Seguradong malingaw

Gipaneguro nila ni James Reid ug Nadine Lustre nga malingaw gyud ang ilang fans sa upcoming movie nila nga “Talk Back and You’re Dead” nga sinuwat ni Alesana Marie gikan sa Wattpad. Nagkainit ang duha sukad sila nag-uban niadto sa pelikulang “Diary ng Panget”.

Sulbaron ang problema

Tsika pa ni Heart Evangelista nga wala mo-propose kaniya ang iyang boyfriend nga si  Sen. Chiz Escudero samtang nagbakasyon sila sa Europe. Giklaro hinuon sa aktres nga sulbaron una niya ang  problema sa iyang pamilya ug isunod dayon ang kasal.

Dili malimtan ni Luis

Gipadayag ni  Luis Manzano nga ang usa sa dili niya malimtan nga dunay kalabotan sa iyang trabaho mao ang  ang kissing scene nila ni John Lloyd Cruz sa pelikulang “In My Life” kung diin nahimo siya nga  best supporting actor sa PMPC Star Awards.

Alex nauyonan ni Sylvia

Dakong uyon si  Sylvia Sanchez ngadto kang Alex Gonzaga kung mao kini ang mauyab sa iyang anak nga si  Arjo Atayde. Una na nga giangkon ni Arjo nga duna siya’y gusto ngadto kang Alex.

Wala’y nada nga video

Mikatap sa Facebook  ang video spam nga  “Vice Ganda Tinawag Na Laos si Vic Sotto,” ug gisundan kini og “Vic Sotto Minura si Vice Ganda.” Apan giklaro ni Vice Ganda nga dili kini tinuod ug panglingla lang kini ngadto sa ilang mga fans ni Vic Sotto. “Nung tinanong ako kung totoo bang ginawa ko yun, ang sabi ko, 'Napakaimposible, Vic Sotto is an icon. 'He’s a comedy icon. As a comedian na nagsisimula pa lang, he’s my icon, alangan namang ganunin ko yung icon ko!,”suma pa ni Vice.

Kimerald gikalipay ni Maja

Gikalipay pag-ayo ni Maja Salvador ang pagbalik sa tandem nila ni  Kim Chiu ug  Gerald Anderson sa usa ka pelikula ug kini nagpasabot nga wala siya’y gibati nga pagselos. Suma pa ni Maja nga hagbay ra niya nga gikalimtan ang panagbangi nila ni Kim niadto. Samtang malipayon usab karon si Maja sa iyang boyfriend nga si Gerald.

Sam pilian og babaye

Giangkon ni Sam Milby nga pilian gyud siya og  babaye nga iyang magustuhan. Gusto unta ni Sam nga magminyo na ilabi na nga nag-edad na siya karon og 30 apan wala gihapo’y nakapapitik sa iyang kasingkasing.

Ashley ug Ruru suwayan

Ang teen star nga si Ashley Ortega may napilian aron mahimong ka- love team ni Ruru Madrid sa seryeng “My Destiny”. Unang nigawas si Ashley sa seryeng Cielo de Angelina ug  nasundan kini og Maghihintay Pa Rin, Dormitoryo ug Paraiso Ko’y Ikaw.