Gary V pag-aaralin ng fashion design ang anak sa Europa
Usung-uso ang kursong fashion design sa ating mga artista. Kundi man mga artista mismo, ay mga anak naman nila ang gustong mag-aral nito. Ito ang kursong kinukuha ng anak ni Willie Revillame na si Meryll Soriano sa London na pansamantalang tumigil. Ito rin ang kursong gustung-gustong pag-aralan ng bunso nina Gary at Angeli Valenciano na si Kiana, pero hindi agad-agad. May commitments pa ito na tatapusin dito bago siya makaalis. Tulad ng paggi-guest sa repeat ng Arise concert ni Gary V sa August 2 sa Mall of Asia Arena. Interpreter din ito ng isang entry sa PhilPop Songwriting Contest.
Maja inayawan ang Shake…
Tinanggihan ng Star Magic ang alok kay Maja Salvador para makasama sa Shake, Rattle & Roll 15 para sa MMFF 2014. Baka naman may nauna nang commitment ang girlfriend ni Gerald Anderson. At kung wala man, baka hindi gaanong malaki ang role at hindi na babagay sa katayuan ngayon ng aktres.
May inihahanda ring konsyerto ito na baka maapektuhan kapag tinanggap niya ang pelikula ng Regal at kakailanganin niyang mag-shooting agad.
Gary V papasukin ang international scene
Kapag nagkataon, baka magkaro’n ng international recording si Gary Valenciano. Don’t look now pero nakipag-meeting ito sa record producer ni Katy Perry. Baka nabalitaan nito na mayroon nang mga siyam (9) na kanta na nagagawa si Gary V na kolaborasyon nila ng isang banyagang kompositor. Baka gustong malaman ng prodyuser ang posibilidad na magawa itong isang album.
- Latest
