Miss Bohol 2014

BOHOL, Philippines - Nagbaha ang mga maanyag nga dalaga sa lalawigan sa Bohol nga maoy magtigi sa Miss Bohol 2014 nga mahitabo karong Hulyo 19, sa Bohol Wisdom School Gymnasium.

Disiotso ka mga kandidata ang misalmot sa maong indigay ug puros kini mirepresenta sa nagkadaiyang dapit sa Bohol.

Sa gihimong press conference sa nakalabay nga semana didto sa Bellevue Resort sa Panglao, Bohol, gipadayag sa mga kandidata nga naghinam-hinam na sila sa maong indigay gumikan kay ilahang mapamatud-an nga gawas sa mga hugyaw nga tourist spots sa ilang dapit,  gibahaan usab kini sa mga maanyag ug utukan nga mga dalaga.

Si Balilihan Vice-Mayor Pureza Veloso Chatto  kinsa  chairperson sa maong indigay,  nibutyag dinhi sa Banat News Hugyaw nga iyahang gipasigarbo pag-ayo ang Miss Bohol gumikan kay ang mahimong mananaug niini maoy usa sa motabang sa nagkadaiyang programa sa probinsya alang sa  agrikultura, turismo , kababainhan, edukasyon ,health  ug uban pa.

Dugang pa ni Chatto  nga nagbaha gyud ang mga hugyaw nga resort sa Bohol  ug makatabang pud pag-promote niini ang umaabot nga Ambassadress of Goodwill sa Bohol.

Ang mga kandidata sa Miss Bohol karong tuiga naglangkob nila ni Jassenie Mangaron  (Loon) , Jaya Lozano (Tubigon), Allyson Mycee Escobia (Anda), Liss Lee Centillas  (Buenavista), Joyce Trexie Marie Cabagnot (Bohol Island State University), Clowie Lim (Ubay), Annaleah Saga  (Carmen), Farwah Nijah Soriano (Pilar), Mary Rose Butalid  (Panglao), Imaculada Cleofe Leopardas (Barbara Pearls Cosmetics), Liezel May Turtoga (Getafe) , Geraldine Topsnik (Tagbilaran), Genina Abrau (Sierra Bullones), Maria TifanyTabigue (Balilihan), Natasha Amethyst Torralba (Duero), Christine Mae Cuarto (Jagna), Queenie Melody Fullante (Dauis) ug  Diozel Namoco (Dimiao).

Ang representante sa Carmen, Bohol nga si Annaleah nisaysay nga bisan sa kusog nga linog nga niigo sa ilang dapit sa niaging tuig, nagpadayon gihapon ang ilang pagkugi ug panaghiusa hinungdan nga anam-anam nga nakabangon ang ilang lugar.

Suma pa niya nga usa sa maayong kalidad sa taga Bohol nga dili gyud kini mu-surrender sa mga problema nga giatubang niini , ug mangita gyud sila og paagi nga makakita og mga solusyon.

Samtang ang pambato sa lungsod sa Dauis nga si Queenie Melody nibutyag nga sa bisan unsa nga sitwasyon, mosuporta gyud ang mga Boholano kung dunay mga kaayohan nga alang sa tanan.

Ang Boholana nga beauty queen ug Kapuso host nga si Anna Maris Igpit maoy nag-host sa gihimong swimwear competition sa miaging adaw.

Si Anna kinsa nalakip usab sa organizing committee sa maong indigay nisaysay nga nagbaha ang mga hugyaw nga production numbers ang angayan atngan sa Miss Bohol ug  himuon usab nila nga bida sa coronation night ang mga hugyaw nga tourist spots sa ilang lalawigan.

Nagbaha ang nindot nga spots sa Bohol sama sa mga resort sa Panglao, Loboc River, Abatan River, Chocolate Hills, ug ang paraiso sa Anda, Bohol nga giingong nagbaha ang mga hugyaw pud nga beach resort.

Usa si Anna sa produkto sa Miss Bohol  niadtong 2005  ug nakalangkat usab siya sa korona nga Binibining Pilipinas -World 2006 hinungdan nga nakasalmot siya sa international pageant nga Miss World.

Gipahibalo usab ni Anna nga ang makadaug sa Miss Bohol karong tuiga, ilahang ipadala didto sa kaulohan aron ipaubos og daghang trainings nga magsilbing preparasyon sa pagsalmot og mga national pageant. 

Dugang pa niya nga bisan sa mga kalamidad nga miigo sa ilang lugar partikular na sa kusog nga linog sa niaging tuig,  wala kini mahimong babag sa pagpadayon sa prestihiyosong indigay sa ilang dapit.

Atol usab sa coronation night, adunay portion kung diin ilaha kining ihalad sa tanang mga tawo sa Pilipinas ug gawas sa nasud nga nitabang sa pagbangon sa ilang lalawigan.

Suma pa ni Anna nga ilang ipakita nga naka-move on na sila sa kalamidad nga ilang nasugatan sa miaging tuig.

Mapasalamaton ang  mga Boholano sa tanang indibidwal nga nitabang  kanila.  Nasayran nga bisan sa linog  nga ilang nasugatan,  usa gihapon ang Bohol sa nitabang sa mga biktima sa bagyong Yolanda nga miigo sa pipila ka dapit sa Kabisay-an ug kini nagpakita kung unsa sila ka matinabangon ngadto sa ilang isigkatawo.

Anam-anam

Aminado si Solenn Heussaff nga dili pa gyud siya tang-an sa natad sa pag-arte apan wala kini mahimong babag sa acting projects nga gitanyag ngadto kaniya. Suma pa niya nga matag proyekto nga iyang nadawat, aduna gyud siya'y makat-onan.

Shooting sa GMA

Gihimo sa GMA Network compound ang pipila ka mga eksena sa pelikulang Overtime nila ni Richard Guttierez ug Lauren Young.  Gipasalida na kagahapon sa mga sinehan ang maong pelikula.

Jason sa MMK

Naghinam-hinam na si Jason Abalos sa reaksyon sa viewers sa episode sa Maalaala Mo Kaya karong Sabado, July 5 kung diin siya ang bida niini. Suma pa sa aktor nga usa ka bugoy nga lalaki nga nangandoy nga mahimong boksingero maoy role niya sa maong episode.

Depende sa management

Gipadayag ni Ruru Madrid nga mag-agad ra gyud siya sa management sa GMA-7 kung kinsa nga aktres ang iyang maka-loveteam. Mao kini ang hinungdan nga dili siya katubag kung kinsa nila ni Ashley Ortega ug Gabrielle Garcia ang gusto niya nga mahimong ka-loveteam.

Panghinaut ni Xian

Nagmalaumon si Xian Lim nga dili mapul-an ang iyang fans sa subling panagpares nila ni Kim Chiu sa usa ka pelikula. Suma pa sa aktor nga lahi na pud ang dagan sa istorya sa upcoming movie nila ni Kim ug malingaw gihapon ang molantaw niini.

Jennica nalipay sa ABS-CBN

Kontento na si Jennica Garcia sa paglugwa niya sa pipila ka mga programa sa ABS-CBN bisan pa man nga wala siya'y exclusive contract sa maong network. Suma pa sa aktres nga arang-arang na lang ang maong sitwasyon ug ang importante kaniya nga wala mabakante ang iyang career bisan pa man nga wala na siya gi-renew sa GMA-7.

Axel pasok sa Hawak Kamay

Gibutyag ni Axel Torres nga dili na siya mobalik pagduwa og basketball sanglit tutok siya karon sa iyang labing unang acting project  , ang umaabot nga serye sa ABS-CBN  nga  "Hawak Kamay" nga pagabidahan nila ni Piolo Pascual ug Iza Calzado. Si Axel ang ikaduha nga housemate nga natangtang sa PBB All In.

Dili na gyud buhian

Giangkon ni Joshua Zamora nga mahimuot gyud siya nga maghuna-huna sa istorya sa lovelife nila sa iyang asawa nga si Jopay Paguia.  Kahinumduman nga nasagmuyo siya og maayo niadto sa ilang breakup apan todo gyud ang iyang paningkamot nga makuha og balik si Jopay ilabi na nga nakadungog siya nga dunay laing lalaki nga midiskarte niini. Busa sa ilang pagbalik, wala gyud siya maglangay sa pagpakasal kang Jopay.

The Voice naglawig

Naglawig og maayo ang   "The Voice Kids" sa  Battle round episode  sa grupo ni Lea Salonga niadtong Hunyo 28 . Suma pa sa Kantar Media , nakalangkat og  34.2% ang maong programa busa gipalukapa niini ang mga programa sa ubang network.

Alywn pinangga sa TV5

Mapasalamaton si Alwyn Uytingco  sa TV5 gumikan kay nagbaha gyud ang mga proyekto niya sa maong network. Gawas sa comedy-drama nga "Beki Boxer", malantawan usab si Alwyn sa  "Jasmine" ug "Tropa Mo ko Unli" .

Richard-Dawn tandem

Ang sikat nga magka-loveteam niadtong   90's nga sila Richard Gomez ug Dawn Zulueta, gikatakdang malakip sa umaabot nga pelikula nila ni Kathryn Bernardo ug Daniel Padilla nga "She's Dating the Gangster". Wala pa gibutyag sa duha ang  role nila sa maong pelikula. Kahinumduman nga nagkauban pagbalik ang duha sa seryeng "Walang Hanggan" niadtong 2012 sa ABS-CBN.

Ate VI gipanalipdan ni Ai-Ai

Midepensa si Ai-Ai Delas Alas ni Batangas Governor Vilma Santos kalabot  sa sayop nga spelling sa gisuwat niini ngadto kang Kris Aquino nga gipadalhan niini og  ensaymada "Yung minsan nagkakamali tayo or hindi naman kailangang gawin na i-bash siya nang dahil lang dun" suma pa ni Ai-Ai.

Iza bida sa horror movie

Si  Iza Calzado ang bida sa horror movie nga  "Maria Leonora Teresa" diin modala siya sa papel sa usa ka inahan. Matud pa ni Iza nga wala siya magdahum nga malakip siya sa maong proyekto. Kauban ni Iza sa maong pelikula sila si Jodi Sta. Maria ug Zanjoe Marudo.

Lauren gipasigarbo ni Megan

Wala magdahum si Megan Young nga mabuhat sa iyang manghud nga si Lauren Young ang init nga eksena nila ni Richard Gutierrez sa pelikulang "Overtime". Apan matud pa niya nga proud siya sa iyang manghod sa gipakitang katakos niini sa pag-arte.

Superbook ibalik

Mapasigarbohong gipahibalo sa  ABS-CBN nga ibalik nila ang animated series nga "Superbook" . Misikat kini  niadtong 80's ug 90's ug ang bag-ong bersyon niini magsugod na karong Hulyo 12.(Frenz Maireen F.Taborada)

Bag-ong anti-pimple soap, Chelsea Starting 2013 Miss Olive-C Grand Winner Creworks Asia Model

Gipakita ni Chelsea Starling ang bag-ong hulagway ug bag-ong improved nga Olive-C Anti-pimple Soap sa Psalmstre. Gihimo gikan sa mga aktibong ingredients sa pagpahamis ug sa paputi sa atong pamanit, epektibo usab kini kontra sa bugas-bugas, blackheads, whiteheads, acne scars ug uban pang problema sa panit. Gisagulan pud kini og Tea Tree oil nga maoy mokontra sa paggrabe sa mga bugas-bugas kung ikaw mogamit niini adlaw-adlaw.

Maayong balita alang sa mga kabatan-onan, ang Psalmstre nga maoy nagmugna sa Anti-pimple Soap, aduna na puy  Olive-C Family Bath Soap nga safe ug maayong gamiton sa atong kalawasan tungod sa iyang Anti-Bacterial ingredients. Mapalit kini sa mga botika, department stores ug sa mga groceries dinhi sa Sugbo.

Para sa dugang detalye tawag lang sa 232-9365 ug 231-5221 o Celfon no. 0932-871-8981 or visit Unit 101 CRM bldg. Esacrio St. Cor.Molave Cebu City. (BANAT NEWS)