Andrea in a Dozon

CEBU, Philippines -  Bisan unsa ka lisod nga sitwasyon, andam kini nga sagubangon sa TV5 reporter nga si Andrea Pateña basta lang gyud nga mahatud  ngadto sa katawhan ang mga nagbagang istorya sa palibot.

Suma pa ni Andrea nga importante kaayo nga mahibalo ang katawhan sa tinud-anay nga istado sa ilang palibot ug dako kaayo og natampo niini ang media.

Magmabinantayon gyud siya kanunay sa iyang ibalita ug seguraduhon niya nga dili siya masayop aron dili maguba ang iyang kredibilidad.

Sa dihang mitapos siya niadtong 2011, giimbitar siya  ni Atty. Ruphil Bañoc, ang labing unang lalaking anchor sa Aksyon Bisaya , nga mo-apply sa gitrabahoan niya nga network karon.Pormal siya nga nagsugod niadtong July 18, 2011 ug nag-edad lang siya niadtong higayona og 21 anyos.

Dakong pahiyom ang mukulit sa dagway ni Andrea sa higayon nga duna siya'y mga tawo nga matabangan gumikan sa iyang report.

Nindot usab ang iyang bation nga dunay mga anomaliya sa gobyerno ang maaksyonan gumikan sa iyang balita ug usa kini sa iyang responsibilidad aron matul-id ang hiwi nga pamaagi sa pipila ka ahensiya sa gobyerno.

Tungod sa iyang trabaho, mahimamat ni Andrea ang nagkalain-laing klase sa tawo  ug daghan gyud siya og makat-onan niini.

Sa iyang pagtrabaho, dili gyud niya kalimtan ang pag-ampo sa Kahitas-an aron magiyahan siya sa iyang trabaho nga wala'y dautan nga mahitabo kaniya.

Pipila sa dili niya malimtan mao ang pag-cover niya og nagkadaiyang kalamidad sama sa bagyo, linog, sunog ug uban pa.

Giangkon niya nga dunay mga higayon nga makalimot siya og kaon gumikan sa iyang gihatag nga konsentrasyon sa pagkuha sa istorya .

Dili usab malikayan nga magkulang panagsa ang iyang tulog gumikan kay dili gyud mahibaw-an ang mga dagkong hitabo sa palibot. Serbisyo publiko ang naa sa iyang huna-huna busa dili siya bation og kakapoy sa iyang trabaho.

12 FACTS YOU DON'T KNOW  ABOUT ANDREA

1.Pangandoy gyud nako nga mahimong Broadway actress. Bisan reporter nako, naa gihapon na ang maong pangandoy,hehehe, char.

2.My personal advocacy is values formation through media and the arts.

3.Mahadlok gyud ko og mascots and clowns. Well, maka-tolerate nako gamay og mascots karon but clowns? Bahala na lang gyud tawn. To my future kids, wala'y clowns inyong birthday parties, sorry. Haha!

4.I love street foods. Ginabot, tempura with hot sauce, spicy or sugar-coated peanuts,manggang hilaw with haling nga bagoong. Gawas sa street food, I love buwad. Hay, naglaway nako karon.

5.I have scoliosis and I also had juvenile arthritis when I was a child.

6.I can play the ukulele or guitar and I sometimes compose songs when I'm bored. P.S. Dili ko maayo, tukar tukar  lang gud. Haha

7.Dili ko katulog kung wala'y habol. Bahala'g wala'y unlan, basta naa'y habol.

8.Dili ko ganahan og mga tawo nga hilason o sobrang bilib sa kaugalingon. Total turnoff. On the other hand, dako kaayo ko og pagtan-aw sa mga tawo nga humble ra gihapon bisa'g unsa na sila kadatu, sikat or influential.

9.I have an older brother who died a few days after he was born. His name is Daniel, our angel. At present, I am the middle child. Akong kuya si Emmanuel, akong manghud si Miranda.

10. I survived a horrible accident in high school.

11.I love outdoor physical activities-already tried waterfalls rappelling, wakeboarding, Danao Bohol's plunge. Other bucket list items: skydiving, skiing!

12.Dili ko mukaon og egg yolk, egg white ra either sunny side up or boiled.  It has nothing to do with the calories by the way. Lainan lang gyud ko sa lami sa yolk. Ang pan ra sab sa siopao akong kan-on, wala'y labot ang sulod. Ambot ngano. Hehe