Ranier dili magpadala

CEBU, Philippines - Nagkatawa si Ranier Castillo  sa tsika nga matud pa nga dili na mosaler ang plano niya nga pagbalik sa showbiz. Suma pa ni Ranier nga maningkamot siya nga mabanhaw pagbalik ang iyang career ug dili na niya tagdon ang mga negatibong panglantaw sa ubang tawo.

Wa makonbikto og illegal drugs uy!

Usa ka adlaw human gibuak ni Superstar Nora Aunor ang iyang pagpakahilom sa wala niya pagkalakip sa gideklara sa Malacanang nga National Artist, nitingog na si Presidente Simeon Benigno Aquino III kagahapon pinaagi sa pag-angkon nga ang pagka konbikto sa aktres sa gidiling druga ang hinungdan sa tanan.

Ang balita sa www.rappler.com nagkanayon nga atol sa usa ka press conference didto sa Clark Freeport Pampanga kagahapon, nagkanayon si Aquino: "My only problem - we all know I respect Ms. Nora Aunor - was her drug conviction."

Dugang niya, "She was convicted and punished, and the question here is: if we make her a National Artist, is there a message we are sending to the people?"

Kahinumduman nga nasakpan nga naghupot og ginadiling droga si Aunor didto sa Los Angeles airport niadtong 2005, apan nalimpyohan ang iyang ngalan paglabay sa duha ka tuig human usab siya nipailawom og drug rehabilitation program ug nigawas nga negatibo ang iyang drug test result.

Apan bisan pa man niini, dili kadto paigo nga rason para kang Aquino, kinsa namahayag nga dautan gayud ang ginadiling druga sa tanang panahon.

"I don't want there to be a message that sometimes, lllegal drugs is okay or acceptable. The message I want to send is it is always bad and illegal drugs do nobody any good," niya pa.

"We have zero tolerance for drugs. It is wrong all the time."

Niadtong Lunes niluwat og official statement si Aunor nga nagpasalamat ngadto sa tanan nga nisuporta kaniya. Giangkon niya nga nasakitan siya sa nahitabo, apan dako kaayo niyang kalipay nga National Artist siya diha sa kasingkasing sa mga Pinoy. Gumikan matud pa niini, maningkamot siya aron mas malingaw pa ang tanan nga nisalig ug kumbinsido sa iyang abilidad.

Kahinumduman nga nikisikisi ang nagkadaiyang sector gumikan sa pagkatangtang sa ngalan ni Aunor gikan sa listahan nga gipadala sa National Commission on Culture and Arts ug Cultural Center of the Philippines didto sa Malacanang, gumikan kay wala matud pa sa lagda ang "moralidad" sa pagpili og national artist.

Not Convicted

Dungan niini, dali nga naka-post pinaagi sa Facebook kagahapon ang legal counsel ni Nora sa iyang drug case didto sa Los Angeles niadtong 2005. Si Atty. Claire Navarro-Espina namahayag nga sayop ang impormasyon nga nakaabot dinhi sa Pilipinas kabahin sa drug case ni Nora.

"Nora Aunor was never convicted of a crimee, let alone a crime involving drugs here in Los Angeles, pamahayag niini pinaagi sa FB.

Samtang balita sa www.gmanetwork.com nagkanayon nga ang balita ni Jose Katigbak niadtong 2007 nga namantala sa ManilaMailDC.net nagkanayon nga igo lamang gipamulta og $220 si Nora human kini ni plead og "no-contest" sa pasangil batok kaniya.Dugang pa sa taho nga nakapasar si Nora sa labaw sa 40 ka drug tests nga gipailawman niini.