Mark Anthony Fernandez pinutulan ng ari!

MANILA, Philippines - Isa si Mark Anthony Fernandez sa mga artistang hindi matatawaran ang galing, kahit pa lagi itong naiintriga—noon. Pero muling magbabalik si Mark Anthony sa kanyang pagiging bad boy sa isang natatanging pagganap bilang babaerong pinutulan ng kaligayahan.

Ngayong Sabado sa Magpakailanman, Mark Anthony Fernandez will play the role of Lito—isang lalaki na hindi nakuntento sa isang babae. Matapos anakan ang kinakasamang si Lenlyn, nagawa pa nitong maghanap ng Mich, at ng Odinah. Kaya hindi kagulat-gulat na magalit ang kanyang asawa.

Ngunit tama rin ba ang ginawa ni Lenlyn na kastiguhin ang lalaking hindi naman niya asawa?

Sa pagkawala ng pagkalalaki ni Lito, magagawa ba nitong magpatawad sa babaeng nagawan rin naman niya ng kasalanan? At magagawa ba nilang patawarin ang isa’t isa?

Makakasama rin ni Mark Anthony ang isa sa mga mahusay na aktres na si Sunshine Dizon. Kabilang rin sina Vaness del Moral at Rap Fernandez.

Mula sa direksyon ni Neal del Rosario, sa panulat ni Vienuel Lavina Ello, at sa pananaliksik nina Karen Lustica at Stanley Pabilona, huwag palagpasin ang kuwento nina Lenlyn at Lito sa Magpakailanman – Pinutol na Kaligayahan ngayong Sabado (June 28) pagkatapos ng Marian sa GMA 7.