Paukyab ni Jessy?

CEBU, Philippines - Naukay ang followers ni Jessy Mendiola sa Twitter sa dihang ni-post ang aktres sa miaging adlaw og "Palitan lang?". Natayming kini sa pag-angkon ni Sarah Geronimo sa ilang relasyon ni Matteo Guidecelli. Ang mga intrigira nagduda nga posibleng ang gipasabot ni Jessy mao nga ang sitwasyon nga ang kanhi uyab nila ni Sarah ug Matteo nga sila si Gerald Anderson ug Maja Salvador nga mao usab ang uyab karon.

Gikomedyahan diay

Giingong gikomedyahan diay ni Philip Salvador ang iyang higala nga si Senador Bong Revilla Jr. sa dihang gikuhaan kini og mug shot atol sa pag-surrender niini sa miaging semana ug mao kini ang rason nga nikatawa ang senador. Wala hinuon gibutyag ni Philip kun unsa ang iyang komedya ngadto sa iyang higala. Nasayran nga gikahibulong pag-ayo sa pipila ka nitizens kung nganong dako kaayo og pahiyom si Bong sa dihang gikuhaan kini og hulagway sa kapulisan.

Noranians nasagmuyo

Nasagmuyo pag-ayo ang mga fans ni Nora Aunor gumikan kay wala malakip ang ilang idolo sa gideklarang National Artist sa Malacañang. Napun-an pa gyud sa dihang wala pud malakip ang pelikula ni Nora nga Whistleblower sa umaabot nga Metro Manila Film Festival 2014.  Ang gideklarar nga national artists naglangkob nila ni Cirilo Bautista (panitikan), Alice Reyes (pagsayaw), Francisco Feliciano at Ramon Santos (musika), Francisco Coching (visual arts) ug Jose Maria Zaragoza (arkitektura).

Bianca wala mauyoni ni lolit

Wala na mahimuot ang manager ni Senador Bong Revilla Jr. nga si Lolit Solis ngadto sa TV host nga si Bianca Gonzales nga matud pa sige og pangatake sa iyang alaga sa social media. Gihulagway niya si Bianca nga  "sawsawera.” Kahinumduman nga nagsagunson ang mga tweet ni Bianca nga nangatake kang Bong kalabot sa pork-barrel scam.

Julia natakdan ni Enrique

Kanunay na nga mokaon si Julia Barretto og tuna ug biscuit. Ang partner niya sa seryeng Mirabella nga si Enrique Gil maoy nakaimpluwensya kaniya.

Janna mihimakak sa isyu

Todo himakak si Janna Dominguez nga matud pa duna sila'y  utang sa iyang hinigugma nga si Mickey Ablan ngadto sa usa ka nagpailang doktor nga moabot ngadto sa P700,000. Tsika pa ni Janna ngadto sa PEP nga usa ka pekeng doktor ang maong tawo nga matud pa nagmugna og istorya.

Wala gihapon makatoo

Giangkon ni Angelie Bayani nga hangtud karon, wala gihapon siya makatoo sa iyang kadaugan sa bag-ohay lang nga Gawad Urian human siya napili nga best actress ug gipildi niya ang mga beteranang artista nga sila si Nora Aunor ug Vilma Santos."Para siyang panaginip," suma pa ni Angeli.

Walo ka entries sa MMFF 2014 gianunsyo na Opisyal na nga gianunsyo niadtong Sabado ang walo ka mga opisyal nga entries sa 40th Metro Manila Film Festival (MMFF) ug kini naglangkob sa musunod:

1. Praybeyt Benjamin 2 (Viva Films at ABS-CBN Film Productions)- Vice Ganda ug Bimby Yap

2. My Big Bossings Adventures (OctoArts Films, M-Zet Films at APT Entertainment)  Vic Sotto ug Ryzza Mae Dizon

3. Kubot: The Aswang Chronicles 2 (Reality Entertainment, GMA Films at Agostodos Pictures Inc.)  Dingdong Dantes ug Isabelle Daza

4. Shake, Rattle & Roll 15 (Regal Entertainment Inc.) Carla Abellana ug Tom Rodriguez

5. Bonifacio, Gusto Mo Ba Siyang Makilala? (Phillipians Productions and Events Inc.) Robin Padilla

6. Feng Shui 2 (ABS-CBN Film Productions and Kris Aquino Productions ) Kris Aquino ug Coco Martin

7. English Only Please? (Quantum Films and Heaven's Best Entertainment) Derek Ramsay ug Angeline Quinto

8. Magnum Muslim .357 ( Scenema Concept International Inc.) - ER Ejercito