Siomai, empanada ug french doughnut

CEBU, Philippines - Nirampa ko sa Marcelo Fernan Press Center sa Sudlon Lahug adtong Sabado sa buntag alang sa skills training nga gipasiugdahan sa Cebu Newspaper Workers Foundation alang sa mga sakop sa media. Wellness man unta akong salmutan unya nausab man diay ang schedule so may I join na lang sab sa cooking churva. Ug ang ending: Makamao nako muhimo og siomai, muputos og empanada ug mukaon og French doughnut. Pakkk!

Tabang ka kapoy ba diay anang maghimo og empanada ug doughnut uyy, kanang  maghimo ta og dough. Dili na lang ko mangambisyon ana. Pero maayo kaayo among instructor nga taga Culinary Arts Project Plan sa Department of Manpower Development  and Placement. Pwes akong i-share ang recipe sa siomai para kamo makasuway sab og himo, ug pwede ninyong himuong gamay’ng negosyo diha sa inyo.

Mga sagol:

1 tasa nga pino nga hipon

1 carrot nga gipino

1 itlog

1/8 kutsarita nga ground pepper

¼ nga ginaling nga baboy

½ kutsarita asin

½ kutsarita vetsin

1 pack Wanto (siomai) wrapper

Lemonsito

Soy sauce

1 kutsarita mantika

Pamaagi sa pagluto:

1.I-mix  ang pito ka mga sagol, gawas sa lemonsito, soy sauce ug siomai wrapper.

2.Putsa dayon kini ug ibutang kini sa siomai wrapper ug pormaha.

3.Paghiri og mantika ang imong lutoanan niini ug ipahimutang ang hinulma nga mga siomai.

4.I-steam sulod sa 20 minutos.

5.I-serve siya uban sa soy sauce ug lemonsito

Lami baya among hinimo nga siomai. I-try ninyo sa inyoha, unya patilawa ko! Pakkk! Bitaw, bisitaha akong blog if may time: www.ryanmarkable.blogspot.com.

Prutas ang ibala

Kadaghanan sa atong henerasyon karon nagsalig na sa modernong teknolohiya ilabi na bahin sa pagpagwapa ug pampahamis sa kutis ug uban pa. Apan dili tanang tawo ang dunay igong budget aron ipalit og mga mahalon nga "beauty products".

Puwes, ania'y listahan sa mga lamian kaayo nga prutas nga mapalit nato sa merkado sa barato nga presyo. Dili lang bitamina ang makuha nato niini apan makahatag sab kini sa atong gipangandoy nga hamis nga kutis.

Saging- Puno kini sa potassium ug bitamina A, C ug E. Makatabang ang saging sa pagbanhaw sa kaanyag sa mga nangamatay o nag-uga nga mga buhok.

Mansanas- Ang mansanas gigamit isip "beauty aid" pipila na ka dekada ang milabay. Ang mansanas makatabang sa pag control sa mga bugas-bugas ug ang duga niini magamit usab isip shampoo ug conditioner.

Pinya- Ang pinya makapahamis sa panit. Pinaagi sa pagkuskos sa unod niini sa tuhod, siko ug mga tikod, seguradong mohayag gyud ang imong panit.

Kapayas- Puno sa bitamina A ug enzymes busa mopalumoy kini sa mga nag-uga nga panit.

 (Gikutlo nila ni Frenz Maireen F. Taborada ug Christa Mae Velez, USJR Masscomm Intern sa thehealthsite.com)