Relihiyon ang rason sa break-up

CEBU, Philippines - Sa labing unang higayon, mitingog na si Gina Alajar kalabot sa breakup nila ni Geoff Eigenmann ug Carla Abellana kung diin gianugunan gyud siya og maayo.

Girespetar hinuon ni Gina ang hukom sa duha ug usa sa iyang napanglantawan nga reason sa breakup nga matud pa ang managlahi nga relihiyon sa duha.

"One major is, I think, religion.She's a devout Catholic, we're Christians. Isa yun, isa yun. So, I don't think hindi naman nila pinagtatalunan yun sa harapan namin, pero siguro sa kanilang dalawa, napapagtalunan 'yan. Hindi ba?," suma pa ni Direk Gina sa dihang nahinabi sa PEP.

Giangkon ni Gina nga nagtoo na gyud siya niadto nga si Carla na gyud ang mamahimong asawa sa iyang anak nga si Geoff ug matud pa niya nga duna pa sila'y komunikasyon sa aktres, gani ni-greet pa siya ni Carla sa birthday niini niadtong June 12.

"May ganun, so siguro ayaw magbigay ng isa't isa, hindi ba?. Just to even try... just to even try attending her church, or attending his church, yung ganun. May conflict 'yan sa ganyan, e. So siguro, she felt na hindi na mare-resolve yung ganung isyu because, for her, it's a major thing," suma pa ni Gina.

Cebu Literary Festival 2014

  Ang Cebuano Studies Center ug Little Boy Productions mopahigayon og Cebu Literary Festival 2014 karong Hunyo 27 diha sa Ayala Center Cebu.  Ibandera niini ang mga obra nila nila ni Cecilia Manguerra, Brainard, Lawrence Ypil, ug Linda Faigao-Hall.

Magsugod ang maong kalihokan alas 10:30 sa buntag ug tapuson kini pinaagi sa pagpasigarbo sa Cebuano Music ug Poetry  pinaagi nila ni  Cattski, Jem Cubil  ug sa grupong The Wonggoys.

  Ang maong kalihukan adunay diskusyon, exhibit, mga pasundayag ug uban pa nga libre alang sa tanan.

Mikael mokiay

Gay role maoy dalhon ni Mikael Daez sa sitcom nga Ismol Family. Suma pa ni Mikael nga first time niya sa maong karakter. Matud niya misugot siya sa maong role gumikan kay tipik sa iyang trabaho nga mosuway og lain-lain nga karakter aron mabaid og samot ang iyang pag-arte.

Pahuway sa lovelife

Gipadayag ni Vina Morales nga busy siya sa iyang career ug sa pag-atiman sa iyang anak busa wala niya matagad ang mga lalaki nga midiskarte kaniya. Suma pa ni Vina nga dili pa karon ang tukmang panahon alang sa maong butang.

Kasabotan

Ubay-ubay ka male stars ang mo-perform sa umaabot nga concert ni Maja Salvador nga Maj: The Legal Performer sa Music Museum. Kini naglangkob nila ni Piolo Pascual, Rayver Cruz, Enchong Dee ug Enrique Gil. Wala maapil sa listahan ang uyab ni Maja nga si Gerald Anderson. Gipadayag ni Maja nga nagsabot na sila daan ni Gerald nga dili mag-uban sa entablado sa bisan unsa nga kalihukan.

Naunhan sa Dos

Malakip diay unta si Benjie Paras sa bag-ong serye sa GMA-7 nga My BFF apan wala siya madayon gumikan nag-conflict kini sa schedule sa taping sa bag-ong proyekto niya sa ABS-CBN.

Boy sa Magpakailanman

Ang istorya sa kinabuhi ni Chef Boy Logro maoy malantawan sa programang Magpakailanman ugma sa gabii. Ang maong episode nag-ulohan og "Kusina Master, Da Best Father."

Show ni Ryan matsugi

Giingong hulipan og laing game show ang programa ni Ryan Agoncillo sa GMA-7 nga Picture Picture. Wala hinuon gitino sa network ang rason sa paghulip niini.

Dugong Pinay

Pinay ang usa sa mga kandidata sa Miss Universe Great Britain 2014 nga mahitabo ugma sa gabii didto sa Cardiff,Wales . Si Zandra Flores, 25 anyos nga natawo sa Pangasinan maoy morepresentar sa  Manchester City.

Kahibalo sa limitasyon

Bisan pa man nga sweet kaayo si Matteo Guidecelli ngadto kang Sarah Geronimo, kanunay kini maghuna-huna sa iyang limitasyon. Kung naa gani sa trabaho si Sarah, dili gyud siya mosamok niini.

Annabelle mibuwelta

Wala na makaaguwanta si Annabelle Rama ug gidudahan nga nagpadungog-dungog kini ngadto sa inahan ni Sarah Lahbati nga si Esther pinaagi sa iyang latest tweets. Kahinumduman nga nireklamo si Esther gumikan kay matud pa gibalewala lang siya sa birthday sa iyang apo nga si Zion. Apan suma ni Anabelle," Ayaw kong pumatol sa mga taong kinakawawa ang sarili nila. Basta ako, I won't allow myself to be kawawa, move on, forget the past... kung ako pa sa iyo, laruin mo na lang si Zion para mawala ang negative vibes sa katawan mo."

Molarga diay

Gibutyag na ni Cherie Gil ang tinud-anay nga rason sa pagpatay sa iyang karakter sa seryeng Ikaw Lamang sa ABS-CBN. Suma pa ni Cherie nga dugay na siya nga nananghid sa production team nga kinahanglan nga sa Hunyo ra gyud siya kutob sa maong serye gumikan kay molarga siya sa Amerika sanglit graduating ang anak niya nga nagtungha didto sa maong nasud.