Kumpirmasyon hinihintay na
Pag-amin at kumpirmasyon na lamang tungkol sa estado ng kanilang relasÂyon ang hinihintay ng publiko na magmula sa rumored sweethearts na sina Sarah Geronimo at Matteo Guidicelli pero alam na ng marami na matagal nang may unawaan ang dalawa at hindi rin maikakaila ang madalas nilang pagsasama sa maraÂming okasyon.
Kung si Matteo lamang ang masusunod, gusÂto niyang ipagsigawan sa buong mundo kung gaano niya kamahal si Sarah pero bilang resÂpeto kay Sarah at sa pamilya nito ay nanatiling tikom ang kanyang bibig kahit kitang-kita sa kanyang mga kilos kung gaano siya kasaya ngayon dahil sa pop princess.
Kung hindi man naging successful ang uÂnang (patagong) relasyon ni Sarah kay Rayver Cruz at naudlot naman ang relasyon nila ni Gerald Anderson, tila ngayon pa lamang magiging open si Sarah sa pakikipagrelasyon sa pamamagitan ni Matteo.
At 26 and after working so hard, Sarah deserves to be happy.
Gerald at Jake dinumog
Pinagkaguluhan nang husto sina Gerald Anderson at Jake Cuenca ganundin sina Joseph Marco at Ahron Villaflor sa kauna-unahang all-day long National Makeover Day ng HBC na ginanap sa Activity Center ng Trinoma nung nakaraang Independence Day, June 12 kung saan tumayong hosts sa magkakahiwalay na segment ang beauty queen na si Shamcey Supsup at model-host na si Phoemela Baranda.
Bukod sa special song numbers mula kina GeÂrald, Jake, Ahron, at Joseph, nagbigay din ng libreng makeover services ang HBC tulad ng facial and diamond peel, hair color appliÂcation, hot oil treatment, makeup make-over, hair styling services, maÂnicure & pedicure, foot spa and hand massage at iba pa.
Dahil sa malaking tagumpay ng national makeover day ng HBC, balak ng kilalang beauty brand na gawin na itong taun-taon.
Baby Zion kinababaliwan nina Eddie at Annabelle
Walang alinlangan na si Baby Zion ang sentro ng affection at attention ngayon sa pamilya Gutierrez. Since malalaki na ang mga apo nina Eddie Gutierrez at Annabelle Rama kay Ruffa na sina Lorin at Venice at maging ang anak na lalaki ni Rocky, si Baby Zion ang pinakabagong karagdagan sa mga apo ng mag-asawang Eddie at Annabelle.
Lokung-loko ngayon kay Baby Zion ang mag-asawang Eddie at Annabelle, ganundin ang ibang miyembro ng pamilya Gutierrez. Hindi puwedeng lumagpas ang isang araw na hindi makikita nina Eddie at Annabelle ang kanilang pinakabagong apo.
Kahit isang taong gulang pa lamang (last April 29) si Baby Zion, hindi nito maiiwasan ang pagiging celebrity baby dahil sa kanyang mga magulang na sina Richard Gutierrez at Sarah Lahbati, grandparents na sina Eddie at Annabelle at mga tiyuhing celebrities na sina Tonton, Ramon Chrtistopher, Rocky, Elvis, at Ritchie Paul at twin brother ng kanyang dad na si Raymond at tiyahing si Ruffa.
Dahil napaka-cute ni Baby Zion, hindi kami magtataka kung kukunin itong baby commercial model ng gatas, diapers, at iba pang baby products.
- Latest
