Diether mukhang walang sakit nang makita sa cebu

SEEN: May mali sa pagtrato sa mga media na nag-cover sa kasal nina Boots Anson Roa at Atty. King Rodrigo noong Sabado sa Archbishop Palace dahil masyadong kinontrol ng wedding organizer ang okasyon.

SCENE: Ang elevator girl na si Cheridel Alejandrino ang bagong housemate ng PBB All in na pumasok sa PBB House noong Sabado.

SEEN: Nag-iyakan ang magkapatid na Toni at Alex Gonzaga dahil sa  kaligayahan nang magkita sila sa confession room ng PBB House.

Isa at kalahating buwan na nanatili si Alex sa PBB House. 

SCENE: Naiinip na ang bayan sa paghihintay sa desisyon ni Judge Paz Esperanza Cortes ng Taguig Metropolitan Trial Court tungkol sa paglilipat sa regular jail kay Cedric Lee at sa ibang mga akusado sa serious illegal detention kay Vhong Navarro. 

SEEN: Sina Aubrey Miles, Troy Montero at ang kanilang anak na si Hunter sa kanilang Father’s Day shopping sa isang mall sa Mandaluyong City. 

SCENE: Introducing sa Kamkam si Athena Gana, ang 17-year old daughter ni Quezon City Mayor Herbert Bautista. Ang apelyido ng kanyang ina ang ginamit ni Athena na screen family name. 

SEEN: Si Diether Ocampo at ang kanyang girlfriend na si  Michelle Barrera sa kanilang dinner date sa isang restaurant sa Cebu City noong Sabado.

Physically fit si Diether at wala sa hitsura niya na may karamdaman siya tulad ng mga kumakalat na tsismis.