Singer-actor iniputan sa ulo ng aktres

Na-betray ang pakiramdam ng singer-actor dahil malakas ang kanyang duda na niloko siya ng kanyang girlfriend na aktres.

May hinala ang singer-actor na hindi pa sila hiwalay ng aktres nang makipagrelasyon ito sa bu­sinessman-actor.

Ayaw paniwalaan ng aktor ang denial ng kanyang ex-girlfriend na visible sa TV dahil busy sa pagpo-promote ng relasyon nila ng businessman-actor.

Broken-hearted na broken-hearted ang singer-actor na nagmahal nang tapat at lubos sa ex-girlfriend na pinararatangan niyang two-timer.

Sarah bumukadkad nang amining may anak

Lalong gumanda si Sarah Lahbati sa paningin ko mula nang aminin niya na may anak na sila ni Richard Gutierrez.

Blooming si Sarah na seksing-seksi ngayon at parang hindi nagsilang ng bata.

Sina Richard at Sarah ang mga hurado kahapon sa Super Sireyna ng Eat Bulaga. Marami ang gandang-ganda kay Sarah at kitang-kita sa mukha niya ang kaligayahan na nararamdaman nito.

Paolo at Julie anne nalilimutang co-host ni Marian

Nalilimutan na banggitin na mga co-host ni Marian Rivera sa Marian sina Paolo Ballesteros at Julie Anne San Jose.

Si Maricel Soriano at ang Star for All Seasons, si Batangas Governor Vilma Santos-Recto ang mga special guest ni Marian sa pilot episode ng kanyang dance show na magsisimula sa June 21.

Hindi mapapanood ni Marian sa TV ang pilot telecast ng Marian dahil sa series of shows niya sa Amerika. Bago siya umalis, nag-advance taping si Marian para may pondo ang kanyang show habang nasa ibang bansa siya.

Looking forward ang Vilmanians sa guesting ni Mama Vi sa Marian dahil mapapanood uli nila na sumasayaw sa TV ang Star for All Seasons.

Ipinapakita na ng GMA 7 ang teaser ng dance showdown nina Mama Vi at Marian. Pinatunayan ni Mama Vi na may karapatan pa rin siya na sumayaw dahil hindi kumukupas ang husay niya sa dance floor.

Nakipagsabayan din si Maricel kay Marian sa pagsayaw. Siyempre, ang walang kamatayan na Rico Mambo ang sinayaw ng dalawa. Ang Rico Mambo na naging popular noong 1986 ang signature dance ni Maricel.

Jericho last frame sa ending ng Legal Wife

Nag-goodbye sa ere noong Biyernes ang The Legal Wife ng ABS-CBN kaya nabawasan na rin ang work load ni Christopher de Leon na naghahanda na para sa kanyang next television pro­ject.

Sina Jericho Rosales at Angel Locsin ang mga co-star ni Boyet sa The Legal Wife na pinag-usapan ang ending.

Asking nga pala ang fans ni Angel kung bakit si Jericho ang nasa last frame sa ending ng kanilang tele­serye.

Boots tuloy sa showbiz kahit misis na

Congrats kina Atty. King Rodrigo at Boots Anson Roa na official na ang pagiging Mrs. Rodrigo dahil sa pag-iisang dibdib nila kahapon sa Archbishop Palace, Mandaluyong City.

Kahit Mrs. Rodrigo na siya, gagamitin pa rin ni Mama Boots ang kanyang screen name at may permiso ito ng asawa niya.

Mismong si Atty. King ang nagsabi na hindi siya magiging hadlang o sagabal sa showbiz career ni Mama Boots. Mas gusto niya na gamitin ng kanyang brand new wife ang old screen name nito.

Kung role model ang tingin ng lahat kay Mama Boots, si Atty. King naman ang kanyang role model. Marami raw siyang natututunan mula kay Atty. King na kilometro ang haba ng mga text message na ipinadadala sa kanya. Again, congratulations at best wishes sa bagong kasal!