Pictorial ng whistle blowers showbiz na showbiz

SEEN : Isinabay nina Richard Gutierrez at Sarah Lahbati sa airing ng It Takes Gutz to be a Gutierrez noong Linggo ang paglalabas nila sa social media ng litrato ng kanilang anak na si Baby Zion.

SCENE : Ikinatuwa ng Bubble Gang fans ang paglilipat sa early timeslot, 10:00 p.m. ng longest running gag show sa telebisyon.

SEEN : Hindi nawawalan ng pag-asa ang fans ni Nora Aunor na kasama ang superstar sa listahan ng mga bagong National Artist na idedeklara sa linggong ito.

Umaasa sila na isasaalang-alang ni P-Noy ang mga kontribusyon ni Aunor sa industriya ng pelikulang Pilipino at hindi ang mga eskandalo sa personal na buhay ng aktres.

 SCENE: Hindi umere noong Linggo  ang Jasmine ni Jasmine Curtis Smith dahil ang coronation night ng Miss Teen Philippines 2014 ang ipinalabas ng TV5.

Si Jasmine ang anchor ng Miss Teen Philippines 2014 at mga host sina Rovilson Fernandez at ang trying–hard- to be Angelina Jolie na si Georgina Wilson.

SCENE : Ang claim ng kampo ni Louise delos Reyes na kung si Marian Rivera ang Primetime Queen ng GMA 7, si Louise ang Primetime Princess.

SEEN : Lalabas na si Alex Gonzaga sa PBB House sa Sabado.

Hindi na puwedeng magtagal si Alex sa PBB House dahil co-host siya ni Luis Manzano sa The Voice Kids Philippines.

SCENE : Showbiz na showbiz ang pictorial ng mga whistle blower ng pork barrel scam na may pananagutan at naging katulong ni Janet Napoles sa pagnanakaw sa kaban ng bayan.