Mangga Festival Queen

CEBU, Philippines - Ang 16- anyos nga si Ariel Belle Doreen  maoy milangkat sa korona alang sa Mangga Festival Queen karong tuiga diha sa Barangay Kalunasan niining dakbayan sa Sugbo.

Giangkon ni Doreen nga mao kini ang labing usa nga kompetisyon nga dunay rampa-rampa nga iyang gisalmotan sanglit mauwawon siya nga pagkatawo niadto.

Gumikan sa pagdasig sa iyang mga higala, wala siya magduha-duha nga merepresenta isip star dancer sa Tribu Kauswagan sa Lower Kalunasan alang sa tinuig nga Mangga Festival.

Matud pa ni Doreen nga ang todo nga suporta sa iyang mga kasilinganan, pamilya ug mga higala maoy naghatag og igong kusog aron matarong niya ang iyang performance sa entablado.

Gidumala ni Almarie Jun Jacaban ang maong grupo ug giingong makadaghan na nga higayon nga nakadaug ang Tribu Kauswagan sa maong festival.

Naumol ang Mangga Festival  aron mayagyag sa kadaghanan nga ang Kalunasan maoy sentro nga supplier sa mangga sa tibuok kalibutan.

Kasagaran sa mangga sa Kalunasan maoy gi-export sa nagkadaiyang dapit gumikan sa katam-is niini.

QandA

  Banat Hugyaw: Unsa imong feeling sa imong kadaugan isip  Mangga Festival Queen 2014 sa Barangay Kalunasan?

Doreen: Nalipay kaayo kay wala gyud ko nag-expect nga makadaug .  Nagpasalamat ko og maayo sa Ginoo sa title nga akong naangkon.

Banat Hugyaw:  Nganong niapil ka sa Mangga Festival?

Doreen:  Ganahan lang ko nga akong mapakita ang akong talent sa pagsayaw. Lingaw man gud siya, unya mao pud na ang paagi nga mawala ang akong pagkamauwawon.

Banat Hugyaw:  Mga preparasyon nga imong gibuhat sa pagsalmot nimo sa Mangga Festival Queen?

Doreen: Practice lang, ug kinahanglan nga mag-ampo gyud.

Banat Hugyaw: Karon nga naghupot kag korona, unsa nga adbokasiya ang buot nimo  isugyot?

Doreen: Isip  Mangga Festival Queen, akong i-expand ang  pag-promote sa mangga diri sa Kalunasan. Gusto nako ipahibalo sa daghang tawo nga lami ang mangga sa Kalunasan, gani naabot pa kini sa laing mga country. Mao kini ang reason kung nganong angayan ampingan ang atong mga punoan sa mangga.

Banat Hugyaw: Describe barangay Kalunasan in one word and why?

Doreen:Fascinating, kay seguradong maganahan gyud ka kung makabisita ka sa Kalunasan. Naay falls, zoo ug uban pa. Kung hisgutan pud ang mangga, siyempre number one gyud ang Kalunasan.

Banat Hugyaw: Panghitabo sa imong kinabuhi nga dili nimo makalimtan.

Doreen: Ang time nga gi-dengue ko, dili ko kalimot atu kay hapit ko nag-Pasko sa hospital.

Name:  Ariel Belle Doreen Jacaban Quijada

Nickname: Doreen

Age: 16

Date of Birth:

November 15 1997

Favorite song: 

"Like we used to"

Favorite movie:

"If Only"

Favorite TV Station: Star Movies

Celebrity Crush :

Liam Hemsworth

School: University of San Carlos - North Campus

Year level:  4th year high school

Motto:   "Each cross, each trouble has its day then passes away" (BANAT NEWS)