Sasabihin ni Sunshine tungkol sa pagbebenta sa convicted drug lord ng dating karibal, inaabangan

Seen : Ang very tired look ni P-Noy na lalong naging kahawig ngunit older version ng kanyang impersonator na si Willie Nepomuceno.

Kailangan ni P-Noy ng complete rest.

Scene : Inaabangan ang mga komento ni Sunshine Cruz laban kay Krista Miller na nakita na dumalaw sa convicted drug lord na si Roberto Camata.

Kinamumuhian ni Sunshine si Krista dahil isa ito sa dahilan ng paghihiwalay nila ni Cesar Montano.

Seen : Magkasabay na nagkasakit ang magpinsan na si Dominique Cojuangco at Julia Barretto, ang mga anak nina Gretchen at Marjorie Barretto, respectively.

Scene : Mapapanood sa Sports and Action Channel ng ABS-CBN ang Team U, ang sports documentary program nina Piolo Pascual at Gerald Anderson. Sina Piolo at Gerald ang producers ng Team U na layunin na matulungan ang Filipino athletes.

Seen : Si Juan Manuel Marquez ang gusto ng boxing fans na makalaban ni Manny Pacquiao sa November 2014.

Maghaharap ang dalawa sa ika-limang pagkakataon kapag naging maganda ang pag-uusap nina Marquez at Top Rank promoter Bob Arum.

Nag-meeting sina Arum at Marquez noong Huwebes.

Scene : Ang report ng Box Office Mojo sa box office gross ng mga pelikula na ipinalabas sa mga sinehan sa Pilipinas noong May 28 hanggang June 1.

Nanguna ang Maleficent ni Angelina Jolie at pumangalawa ang Maybe This Time ng Star Cinema na kumita ng halos P72 million sa limang araw na showing sa mga sinehan.