Queen Bee in a dozen

CEBU, Philippines - Siya ang ikatulong Queen Universe human sa iyang kadaugan sa Queen: Pageant for Alternatives niadtong 2011. Ang nahisgutang indigay “pageant for alternatives” ang giilang labing prestihiyoso sa tibuok Pilipinas. Siya si Bee Urgello, giisip nga usa sa adunay labing maanyag nga dagway dinhi sa Sugbo.

Niadtong tungura, 25-anyos lamang siya ug usa ka registered nurse. Naggikan sa adunahan nga pamilya sa Sugbo, gihulagway siya sa iyang mga higala nga mapaubsanon ug buotan. Sakop siya sa iladong Models Association of Cebu (MAC).

Kapin tulo ka tuig human sa iyang kadaugan, gipangumusta siya sa Banat News Hugyaw (BNH):

BNH: Unsay kausaban sa imong life human ka nakoronahan nga Queen of Cebu?

Bee: A lot of opportunities sa modeling, pag-endorse og products, charities and mas na improve akong relationship sa akong pamilya.

BNH: Unsay mensahe nimo sa mga sama nimo nga dili madawat sa ilang pamilya ang ilang pagka sila?

Bee: Niagi  pud ko ana na point sa ako life. Prove them wrong. Follow your dreams. Ipakita nila nga pwede cla ma proud nimo ug dili dapat ika uwaw ang imong pagka transgender. Dapat nila i-celebrate!

BNH: Daghang nagpaabot nga muapil pa ka og laing pageant,unsay imong reaksyon?

Bee: Daghan jud ganahan na mo apil pa ko og lain pageant pero di pa ko maka make og promise about ana. We'll see what happens next year.

Siya ang ikatulong Queen Universe human sa iyang kadaugan sa Queen: Pageant for Alternatives niadtong 2011. Ang nahisgutang indigay “pageant for alternatives” ang giilang labing prestihiyoso sa tibuok Pilipinas. Siya si Bee Urgello, giisip nga usa sa adunay labing maanyag nga dagway dinhi sa Sugbo.