Dingdong at Richard nagkasundo dahil sa mamahaling motorsiklo

Positive ang reaction ng mga nakakita ng picture nina Dingdong Dantes at Richard Gutierrez sa Instagram (IG) ng una, na kuha sa Tipsy Pig restaurant. Kasama nila sa picture sina Marian Rivera at Sarah Lahbati at ang non-showbiz friends, kasama sa grupong kung tawagin ni Dingdong ay Ducatistas dahil sa brand ng motorsiklo na gamit nila.

Sabi ni Richard, dito lang niya nakasama si Ding­dong, pero hindi niya nakasama ang kapwa aktor nang magbiyahe sila from Manila to Bacolod, Duma­guete gamit ang Ducati.

Dahil sa picture na magkasama sila at parehong member ng Ducatistas, may mga nagre-request na sana magkasama sina Richard at Dingdong sa project, TV man o pelikula. Walang contract sa alinmang network si Richard ngayon, si Dingdong may exclusive contract sa GMA 7. Sa movie, may exclusive contract pa si Richard, si Dingdong naman ang freelancer. 

Samantala, sa IG, may countdown si Dingdong sa airing ng Ang Dalawang Mrs. Real na magsisimula this Monday. Adult-drama ang concept nito, kung saan, magpapakasal ang karakter ni Dingdong kina Maricel Soriano at Lovi Poe.

Nag-back out sa indie film, Polo mas piniling maging sireno

Ipina-plug na ang malapit na pagtatapos ng Kambal Sirena, pero bakit may tsikang extended ng one month ang sirena serye? Ang extension ang rason kung bakit nag-backout si Polo Ravales sa 2014 Cinemalaya entry na Kasal ni director Jay Altarejos sa Diretor’s Showcase category.

Hindi puwedeng makapaglagare si Polo sa taping at shooting dahil malayo ang location ng taping niya sa location ng shooting. Kaya kahit gustong gawin ang indie film, no choice si Polo kundi mag-backout.

  Mabuti na lang at isang araw pa lang nakakapag-shooting si Polo sa movie, kaya ilang eksena lang ang ni-reshoot ni direk Jay. Ang director din ang nag-announce sa FB sa pagba-backout ni Polo dahil sa schedule at ang pagkapili kay Mike Liwag na kapalit ni Polo at partner ni Oliver Aquino. 

Kabaklaan ni Tom at Dennis, mabenta sa mga Koreano

In-announce ni Carla Abellana sa Insta­g­ram (IG) na nominated sa 9th Seoul International Drama Awards ang My Husband’s Lover na pi­nag­bidahan nila nina Tom Rodriguez at Dennis Trillo sa direction ni Dominic Zapata.

Hindi nabanggit ng aktres kung saang category nominated ang MHL at kung may nominated sa kanila sa acting category. Puwede nang makaboto ang fans, mag-log on sa website ng Seoul International Drama Awards. Sa September 4, 2014 sa National Theater of Korea ang awards night.