Spainhour pambato sa Mr. World

CEBU, Philippines - Mapasalamaton ang Filipino-American nga si John Spainhour  kang Kris Aquino sa paghatag kaniya’g  exposure sa Kris TV. Kahinumduman nga nakita na sa makadaghang higayon ang model sa ubang mga episodes sa Kris TV. Ang half -Pinoy nga modelo maoy napili nga pambato sa Pilipinas alang sa Mr. World 2014 nga pagahimuon didto sa London karong June.

Padayo'g eskuyla

Balik eskwela gihapon ang "Niño" star Miguel Tanfelix bisag busy kini sa iyang mga taping. Hinuon gisabotan na nila sa iyang principal nga kung maka-absent siya ihatag ra kaniya ang mga lessons aron kini makaapas gihapon sa klase.

Julia gilabanan ni Enrique

Gilabanan ni Enrique Gil si Julia Barretto sa mga Katniel fans nga nang-bash kang Julia sa Pepsi commercial. "I think it's unfair, it's just a commercial, that's it. Walang kamalay-malay yung tao 'tapos bina-bash with no reason at all. Same thing, what if yung fans naman ni Julia ang mag-bash kay Kathryn. Para sa akin it's so unfair," depensa ni Enrique.

Wala mabalaka

Wala mabalaka si Toni Gonzaga sa pangagpas nga mapul-an ang mga tawo niya tungod sa pagka over-exposed niini. Depensa pa ni Tony nga dili man sad siya ang gitan-aw sa PBB kundi ang mga housemates. Si Tony kasamtangang makita sa PBB, Home Sweetie Home, ASAP ug The Buzz.

Okay ra sila

Nanghunaw si Winwyn Marquez sa isyung buwag na ang igsuon niyang si Mark Anthony Fernandez sa asawa niining si Melissa Garcia. "Hindi, kasi alam ko, okay silang talaga. Kasi, pumupunta pa ko ng Greenhills. Alam ko nandoon sila sa Greenhills" butyag pa sa aktres.

Ebidensya ni Claudine

Nipagawas og suwat si Claudine Barretto sa iyang instagram account aron ipakita sa mga tawo nga wala siya mamakak nga naay hulga sa iyang kinabuhi. Ang suwat nga gikan sa security agency  nga maoy nagbantay sa ilang village nagkanayon nga tulo gyud ka boto ang ilang nadungog atol sa pagpasalba. "Who's lying or should I say who is the LIAR AGAIN? Pasaring niya sa iyang bana ug mga igsuon.

Go Nash!

Andam na ang young actor nga si Nash Aguas sa shooting sa umaabot niyang action film. Unang higayon kini ni Nash sa pag-arte sa indie-film  ug naghinamhinam na siyang makamugna og action movie diin iyang gihulagway nga usa sa iyang mga gipangandoy sukad siya nisulod sa showbiz.

Gumikan sa distance

Atol sa press conference sa "Sana Bukas Pa Ang Kahapon" gibutyag ni Paulo Avelino nganong wala molambo ang relasyon nila ni KC Concepcion: "Siguro we tried din to take it to the next level pero madaming (hadlang)."Well, first of all, siguro ang pinakamalaking nangyari is yung distance,"  saysay sa actor.

Dili sayon

Dakong hagit alang sa Kapamilya aktres Bea Alonzo ang papel niyang adunay duha ka personalidad. Unang higayon ni Bea ang modala sa duha ka karakter: "physically draining din siya. Kasi palit ka nang palit ng make-up lalo na kapag may double exposure na eksena."