Matapos umiiyak-iyak at manghingi ng tawad: Wally Bayola binalikan ang EB Babe na kasama sa sex video; Kapitolyo ng Laguna, ikinandado!

SEEN : Ang asawa ni  Wally Bayola na si Rizza ang nagpapatunay na nag­kabalikan ang TV host/co­median at ang ex-EB Babe dancer na si Yosh Rivera.

Balik sa dating gawi si Wally matapos patawarin ng publiko dahil sa sex video nila ni Yosh.

SCENE : Sure nang si Matteo Guidicelli ang ipinalit kay Mart Escudero sa sequel ng Moron 5, ang hit movie nina Billy Crawford, Marvin Agustin, DJ Durano at Luis Manzano.

SEEN : Ang taping kahapon ng Dyesebel sa karagatan ng Batangas at sa eksaktong lugar kung saan kinagat si Anne Curtis ng box jellyfish.

Nagbaon si Anne ng mga proteksyon laban sa kagat ng box jellyfish.

SCENE : Malaking kalokohan ang statement ng pork barrel scam queen na si Janet Napoles na biktima siya ng maling sistema dahil alam niya na isang kasalanan ang magnakaw ng pera mula sa kaban ng bayan.

Nagalit si  Napoles sa pe­ra niya na ninakaw ni Ben­­hur Luy pero binibigyan niya ng justification ang pag­nanakaw niya sa pera ng bayan.

Ang magnanakaw ay galit sa kapwa magna­na­kaw.

SEEN :  Ang E! ang bagong home studio ng pa­­milya Gutierrez  dahil mapapanood sa E! ang It Takes Gutz to be a Gutierrez.

Ang E! ay nasa SkyCable at Destiny Channel 57, Cignal Channel 25 at Cablelink Channel 33.

SCENE : Si Dra. Vicki Belo ang tu­mu­tulong kay Jinkee Pacquiao para pu­­mayat  matapos nitong isilang ang ika­limang anak nila ni Manny Pacquiao.

Seen : Ikinandado ng mga supporter ni Laguna Governor ER Ejercito ang mga gate ng capitol building sa Sta. Cruz, Laguna para hindi makapasok ang mga magpapababa sa kanya sa puwesto.

Nakakapasok sa kapitolyo ang mga empleyado sa back entrance na bantay-sarado rin ng kanyang mga supporter ni Ejercito.

SCENE : Pinatalsik na sa puwesto si Laguna Governor ER Ejercito. Nanumpa na si Laguna Vice-Governor Ramil Hernandez bilang bagong go­vernador sa Commission on Elections (Co­melec) main office kahapon.