Eula gipanguyaban ni Dan

CEBU, Philippines - Giangkon ni Eula Caballero nga naa na sila karon sa “courting stage” ang istado nila sa co-star niya sa One of the Boys nga si Dan Marsh. Gibutyag sa aktres nga andam siyang hatagan og tsansa ang aktor ilabi na nga nakita niya ang sensiridad niini.

Joem bida sa action film

Mapasigarbohong gibutyag ni Joem Bascon nga siya ang  bida sa umaabot nga Indie action film nga ‘Ang Bagong Dugo’ nga  ubos sa direksyon ni Direk Val Iglesias. Mao kini ang unang higayon nga siya ang bida sa usa ka action movie busa gikulbaan na siya niini. “Kinakabahan ako dahil ito po ang unang-unang action film na ginawa ko sa buong career ko na ako ang bida,” tsika pa sa aktor ngadto sa Pep.ph.

Paukyab ni Ian

Gisumsuman karon sa gay website ang sexy selfie photos sa model nga si Ian Batherson. Matud pa niya nga iyang gi-post ang maong mga hulagway aron pagpahibalo sa mga tawo nga nagpabilin pa siya sa modeling industry.

Karon pa nagka-close

Gibutyag ni Vin Abrenica nga sa dihang nagpares pa sila ni Sophie Albert sa seryeng Never Say Goodbye sa TV5 niadto, dili kaayo sila close sa iyang screen partner. Apan karon, nagkasuod na sila og maayo.

Ynna gimingaw ni Mark

Giangkon ni Ynna Asistio nga gimingaw siya sa iyang ex-boyfriend nga si Mark Herras. Suma pa niya nga dili basta-basta ang lima ka tuig nga relasyon nila niadto apan iyang gitataw nga wala na’y tsansa nga magkabalik sila niini.

Terrence nag-sorry ni Vice

Nangayo og pasaylo ang basketbolista nga si Terrence Romeo ngadto kang Vice Ganda human sa pagpa-interview niini kung diin gisaysay niya nga wala sila nagkauyab sa TV host.  Giingong gihilakan ni Vice ang maong lenggua ni Terrence ug giklaro niini nga wala siya mopakatap og istorya nga nagkauyab sila ni Terrence.

Sarah nahugyaw sa bata

Nakugang ang  publiko  sa  batang babaye nga nikanta sa  Aegis classic nga ‘Halik.’  Ang nuwebe anyos nga taga Cavite nga si Lyca Gairanod nakapatuyok ni Sarah Geronimo human siya nakadayeg sa tingog sa bata.

Nagpinasayloay

Gibutyag ni Claudine Barretto nga malipayon siya gumikan kay nagpinasayloay sila ni Mon Tulfo human sa duha ka tuig nila nga panagsungi. “Actually nagkausap na kami ni Kuya Mon noong una pa lang. Sinabi ni Kuya Mon sa akin na hindi naman daw siya galit sa akin. Humingi rin ng pasensya at ako rin ganun sa kanya,” matud pa ni Claudine.

Part two

Sold out na ang ticket sa concert sa One Direction dinhi sa Pilipinas sunod tuig busa nagplano ang organizer nga dugangan kini og ikaduhang hugna aron mahatagan og higayon ang mga tawo nga nahutdan og ticket. Kahinumduman nga gikagubtan og maayo ang pagpamaligya og ticket sa concert sa One Direction nga mahitabo pa sunod tuig.

Gipistahan sa Twitter

Ang The Voice Kids sa ABS-CBN maoy usa sa gipistahan nga topic sa Twitter niadtong Sabado sa gabii ug nalabwan na niini ang Pinoy Big Brother All-in.