Malinawon

CEBU, Philippines - Gibutyag sa Kapuso actress nga si Janine Gutierrez nga walay tensyon tali nilang duha ni Julie Anne San Jose ilabi na kung magkasugat sila niini. Kahinumduman nga nahimong ka-love team ni Julie Anne si Elmo Magalona niadto, apan lahi na karon kay si Janine naman ang ka- love team ni Elmo ug gidungog nga uyab na karon ang duha.

Friends gihapon

Gipadayag ni Elmo Magalona nga wala siya kiwawi sa dihang nagkaabot sila sa iyang ex-girlfriend nga si Lauren Young sa usa ka kalihukan sa mga artista. Suma pa ni Elmo nga nagka-kumustaay sila niini.

Gikilig gihapon

Nahimout pag-ayo si Jodi Sta. Maria gumikan kay gikilig gihapon ang viewers sa serye nila ni Richard Yap nga Be Careful With My Heart bisan pa man nga taud-taud na kini sa ere.

Roxanne segurado na ni Will

Malipayon karon ang actress –singer nga si Roxanne Barcelo sa iyang hinigugma nga si Will Devaughn. Matud pa sa singer nga segurado na siya kang Will nga giisip niya nga  soulmate ug twin flame. “I will be blessed if siya yung papakasalan ko,” matud pa ni Roxanne.

Plastic si Jane?

Nominado alang sa pagkatagak karong semanaha ang Star Magic talent nga si Jane Oineza sa programang Pinoy Big Brother All -in. Gihulagway sa iyang co-housemates nga nagpakaarun-ingnon lang ang dalaga sa ilang atubangan.

Best in duaw

Giduaw ni Sarah Geronimo ang rumored boyfriend niya nga si Matteo Guidecelli sa dihang nagkasakit kini sa miaging adlaw. Nasayran nga naglain ang lawas ni Matteo busa wala kini makaapil sa usa ka marathon.

Kever ang show

Giklaro ni Melissa Ricks nga wala na siya makugang sa pagkakita niya sa mga hulagway nila sa iyang ex-boyfriend nga si Paul Jake Castillo ug sa aktres nga si Kaye Abad. Suma pa ni Melissa nga hagbay ra nga nahanaw si Jake sa iyang kasing-kasing.

Coney maapektohan

Giangkon ni Coney Reyes nga apektado gihapon siya kung makadungog siya og istorya kalabot sa lovelife ni Vic Sotto. Gitataw hinoun ni Coney nga wala magkulang si Vic sa paghatag og suporta sa ilang mga anak. “Whatever happens to Vic and whatever relationship he has will affect my child. If it affects my child, it will affect me, so siyempre, affected ako,” matud pa ni Coney.

Amy wala makasulod

Wala’y suwerte ang kanhi child star nga si Amy Nobleza atol sa blind audition sa The Voice Kids gumikan kay wala siya madala. Gikanta niya ang “Defying Gravity” kung diin gihulagway kini ni coach Lea Salonga nga lisod kantahon ug nagkinahanglan kini og  high pressure ug isog nga tingog.