Gahom sa Abocado

CEBU, Philippines - Napulo ka rason nganong kinahanglan mukaon ka og abokado kada adlaw ug naglangkob kini sa :

Pagpugong sa Prostate Cancer

Adunay mga elemento sa   abokado makatabang sa pagpugong sa pagtubo sa prostate cancer.

Pagdepensa sa Oral Cancer

Basi sa pagtuon, ang mga compounds sa abokado makatabang sa pagpangita sa pre-cancerous ug cancerous oral cells ug mopakgang sa cancer cells nga dili madaot ang healthy cells.

Proteksyon sa Breast Cancer

Ang abokado parehas sa olive oil  nga adunay taas nga  oleic acid nga makatabang sa pagpugong sa breast cancer.

Maayo alang sa Mata

Ang abokado anaay daghang carotenoid lutein nga nihit makit-an sa ubang mga prutas. Ang lutein motabang sa pagprotektar batok sa macular degeneration ug catarata nga sagad mga sakit sa katigulangan.

Pagpaus-os sa Cholesterol

Ang abokado adunay taas nga beta-sitosterol, usa ka compound nga makapaos-os sa level sa cholesterol. Sa usa ka pagtuon, 45 ka volunteers  ang nikaon og abokado ug nasuta nga nius-os og 17% ang level sa ilang cholesterol sulod lang sa usa ka semana.

Makapabaskog sa kasing-kasing

Usa ka tasa sa abokado adunay 23% nga balor sa folate. Ang tawo kung mokaon sa mga pagkaon nga taas sa folate, mo minus ang kahigayonan nga magkasakit sa kasingkasing. Inubanan sa bitamina E, monounsaturated fats ug glutathione nga makita usab sa abokado maayo usab sa kasingkasing.

Pagpugong sa Stroke

Ang taas nga level sa folate nga anaa sa abokado makatabang usab sa pagprotektar batok sa stroke.

Tinubdan sa Glutathione

Ang abokado maoy  labing hugyaw nga tinubdan sa glutathione, usa ka importanteng antioxidant nga makatabang sa pagpugong sa edad, sa cancer ug lakip na sa sakit sa kasingkasing.

Vitamin E Powerhouse

Pinakanindot nga tinubdan sa bitamina E ang abokado, usa ka bitamina nga gikinahanglan sa pagprotektar sa mga daghang sakit ug makatabang sa pagmintinar sa kinatibuk-ang kahimsog sa lawas. (Gikan sa http://www.healthdiaries.com)