Diva nalingaw sa pagminaldita

CEBU, Philippines - Pahuway usa sa minaldita nga roles ang Sugbuanong aktres nga si Diva Montelaba, human sa mga  seryeng Maghihintay Pa Rin ug Villa Quintana.

Nasayran nga buotan ang iyang papel isip sister-in-law ni Lovi Poe sa umaabot nga primetime serye sa GMA7, Ang Dalawang Mrs. Real.

Nailhan na

Nailhan na ang usa sa mga suspek sa pagpangulata ngadto kang Vhong Navarro.  Siya mao matud pa si Edgardo Sampana nga nakuhaan og footage sa CCTV nga nagkupot sa duct tape nga gigamit sa paggapos sa kamot ni Vhong.

Dra. Belo gipasayaw ni Ryzza

Napugos si  Dra. Vicky Belo sa pagpakita sa talento niya sa pagsayaw atol sa paglugwa niya sa programang The Ryzza Mae Show. Suma pa sa doktora nga nalingaw siya sa batang host nga si Ryzza Mae Dizon busa okay lang kaniya nga mosayaw atubangan sa daghang tawo.

Mark nausab sa Rhodora X

Tsika pa ni Mark Herras nga nausab siya sa seryeng Rhodora X ug nagka-mature  ang iyang panghuna-huna. Matud pa sa aktor nga daghan siya og nakat-onan sa mga kaubanan niya nga artista sa maong serye.

Dunay matampo

Ang usa sa mga bitoon sa seryeng Niño nga si Bianca Umali nibutyag nga dako kaayo og  matabang ang kabataan sa pagpalambo sa komunidad. "Kaya mo rin gawin ang mga kayang gawin ng mga malalaki na," suma pa niya.

Mihugop dayon

Mihugop ang Pinoy fans sa  British boy band nga One Direction sa Mall of Asia Arena sa miaging adlaw  aron mopalit og  ticket sa concert sa maong grupo. Una na nga gipadayag sa  Music Management International nga wala'y mahitabong reserbasyon sa maong concert nga mahitabo sunod tuig pa.