Carla blooming

CEBU, Philippines - Nahimuot  ang  Kapuso star nga si  Carla Abellana sa obserbasyon sa ubang mga tawo nga blooming siya human sa panagbuwag nila sa iyang  ex-boyriend nga si  Geoff Eigenman. Apan giklaro sa aktres nga wala'y kalabotan si Tom Rodriguez sa iyang pagka-blooming karon.

Juday mihangyo

Gipadayag ni Judy Ann Santos nga angayan respitohon ang pribadong kinabuhi nila ni Sarah Geronimo  ug Matteo Guidecilli kinsa tak-om gihapon sa tinud-anay nila nga istado.

Dako ang pagmahay

Gibutyag ni Maegan Aguilar nga dako iyang pagmahay nganong na-amahan pa niya si Freddie Aguilar. Matud sa singer nga wala naghuna-huna ang iyang amahan sa kaayuhan sa iyang mga anak. 

Big break ni Miguel

Gipadayag sa 15 anyos nga aktor nga si Miguel Tanfelix nga ang seryeng Niño maoy giisip  niya nga big break sa iyang career sukad siya nisulod sa showbiz. Panghinaut sa aktor nga magsagunson na kini.

James nagpasalamat ni Kris

Mapasalamaton si James Yap ngadto kang Kris Aquino gumikan kay aprobado niini  ang  pagkasuod sa iyang anak nga si Bimby ug sa iyang uyab nga si Michaella Cazzola. Malipayon si James gumikan nagmalinawon na ang iyang kinabuhi.

Karaan sa industriya

Mapasigarbohong gibutyag ni Joey de Leon nga napatik na sa iyang palad ang pagkasikat nga artista sukad pa sa pagsulod niya sa showbiz. Usa sa pinakadugay sa showbiz si Joey nga niabot na og 45 ka tuig. Usa si Joey sa mga nag-unang host sa pagsugod sa longest-running show sa GMA nga "Eat Bulaga" niadtong 1979.

Jake nagpa- tattoo

Giangkon ni Jake Vargas nga nagpa-tatoo siya sa iyang bukton sa pangan sa iyang uyab nga si Bea Binene. Matud sa aktor nga nagpakita kini sa tinud-anay niya nga gugma ngadto sa aktres. "Worth it yung pagpapatattoo ko kasi para kay Bea naman," suma pa ni Jake.

Pinangga ni Mama

Gilimod ni Bea Binene ang isyung nag-away ang iyang inahan ug ang maguwang ni Jake Vargas. Matud sa aktres nga imposibleng mag-away si Jake ug iyang pamilya kay pinangga kaayo si Jake sa iyang inahan.  "Kasi si Mama, sobrang anak ang turing niya kay Jake. So, walang katotohanan," matud pa ni Bea.

Nagpanikad

Gikahinaman og samot ang upcoming series sa ABS-CBN nga  "Sana Bukas Pa Ang Kahapon" human gipakita ang trailer niini. Ang maong teleserye pagabidahan nila ni Bea Alonzo ug Paolo Avelino . Malakip usab niini sila si  Susan Roces, Albert Martinez ug Dina Bonnevie.

Magtagad gihapon

 Giklaro ni Kris Bernal nga bisan buwag na sila ni Carl Guevarra, wala gihapon mausab ang tinagdan nila sa usa’g-usa. "Ever since naman, ang napag-usapan namin, libre lang, free lang kami. We do anything we want and walang mga bawal," matud pa sa aktres.

Liza ug Jon 7 pm gyud sa Bogo ugma!

Makita na gayod sa personal ang mga sikat nga artista nga sila si Liza Soberano ug Jon Lucas karong Sabado, Mayo 24, alas 7:00 sa gabii diha sa Bogo City Complex alang sa Piyestang Handog sa Gaisano Bogo.  Ang maong pasundayag sugdan alas-6:30 sa gabii pinaagi sa sikat nga live band gikan sa siyudad sa Sugbo nga maoy molingaw kaninyo sa ilang mga maanindot nga awit.

Kinahanglang musayo kamo aron makakita gayud kamo kanila ni Liza ug Jon sanglit sigurado gayud nga pagasugdan ang ilang programa untop nga alas siete sa gabii, sanglit kinahanglan usab nilang mulupad pagbalik sa Manila human sa ilang show.

Dili sila mamahimong maglangay sanglit gipaabot nga hinay ang ilang byahe paingon ug gikan sa Bogo gumikan sa nagpadayong pag-ayo sa dalan paingon sa northern Cebu.

Kahinumduman nga sila si Liza ug Jon managsamang atong nakita sa teleseryeng "Got to Believe" ug parehas usab sila nga miyembro sa Star Magic 2013.

Kasamtangan nga nagapadayon karon ang Gaisano Bogo "Anniversary & Fiesta Sale" hangtod na kini sa Mayo 24.  Gawas sa dagkong diskwento, may kahigayunan pa gayod kamo nga makadaug og maanindot nga tulo ka Customized Passenger Multicabs, mga home appliances ug linibong gift certificates sa ilang "Sakyanang Pang-Negosyo" promo.

Busa sa Gaisano Bogo na kamo pamalit kay barato na, may sakyanang pa-premyo pa!