Kris-Coco movie

CEBU, Philippines - Gikompirmar ni Kris Aquino ngadto sa ABS-CBN News nga makauban niya sa unang higayon si Coco Martin sa usa ka pelikula. Malakip si Coco sa sequel sa horror movie ni Kris nga “Feng Shui”, ug giingong isalmot kini sa Metro Manila Film Festival karong Disyembre.  Ang beteranong direktor gihapon nga si Chito S. Roño maoy mogama niini.

Nora nangloud ni Coco

Gikatahong nangluod si Nora Aunor ngadto kang Coco Martin human nitumaw ang isyu nga matud pa dunay utang ang superstar ngadto sa aktor. Giklaro hinuon sa aktor  nga dili tinuod nga duna’y utang kaniya si Nora, gani siya pa ang dunay utang kabubut-on sa aktres ug iyang giklaro nga dili siya ang nagpakatap sa maong isyu.

Mariel nakadawat na

Atol sa 45th Box Office Entertainment Awards niadtong Domingo, gibutyag sa aktres nga si Mariel Rodriguez atol sa sa interview niini sa ABS-CBN News nga dili gyud alang kaniya ang reality show sa kapamilya network nga Pinoy Big Brother. Kahinumduman  nga gidungog niadto nga mobalik siya isip host sa maong programa apan wala mosugot niini ang mga kadagkoan sa ABS-CBN.

Kiwaw paminawon

Dili komportable si Kris Aquino kung dunay manungog kaniya nga matud pa dunay posibilidad nga magkabalik sila ni James Yap. Matud pa nga dili angayan sakyan ang maong sungog ilabi na nga malipayon na karon si James sa girlfriend niini nga si Michaella Cazzola.

Godzilla nag-una

Nag-una karon sa North American Box Office ang remake sa “Godzilla” nga mikulit  og $93.2 million sa pagbukas niini sa mga sinehan. Gibituonan kini sa “Breaking Bad” star nga si Bryan Cranston ug Juliette Binoche.

Walay pagmahay

Walay pagmahay si Pia Wurtzbach sa nahiagoman niya sa Bb. Pilipinas 2014 niadtong nilabay nga Marso diin usa siya sa gipaabot nga makadaog sa korona apan kutob lamang siya sa semifinal round. Dili usab matud pa kadto sala ni Senator Sonny Angara nga nangutana kaniya nga nagtinagalog bisan pa man og lareno unta siya mu-english. Suma pa ni Pia mao lamang gayud matud pa kadto ang iyang kapalaran ug ingon gayud niana ang pageant, swerte usahay, usahay demalas. Mapasalamaton siya ngadto sa tanan niyang tigpaluyo.

Michelle istrikta

Nominado sa pagkatagak karong semanaha ang sikat nga UAAP volleyball player nga si Michelle Gumabao sa PBB All-In.  Nominado si Mitchelle tungod sa naangkon niini nga walo ka botos gikan sa ubang housemates gumikan kay matud pa usa siya ka bossy ug strikta nga pagkatawo.