Daniel gisumsuman

CEBU, Philippines - Nasurpresa ang kadaghanan  sa pagsulod sa Brazilian-Japanese model nga si Daniel Matsunaga sa Pinoy Big Brother  house niadtong Sabado. Usa kini sa mga  labing gisaw-an nga topic sa Twitter niadtong higayona.

Ruffa gipangga sa Star Cinema

Mapasalamaton si  Ruffa Gutierrez ngadto sa Star Cinema gumikan kay gihatagan gyud og gibug-aton ang iyang abilidad sa pag-arte . Nalakip ang aktres  sa pelikula nila ni  Sarah Geronimo ug Coco Martin  nga "Maybe This Time"

Erik nakulbaan og maayo

Giangkon ni Erik Santos nga gikulbaan siya og maayo  alang sa  pag-arte niya sa indie film  nga "Separados". Nagkanayon ang singer nga dako kaayong hagit alang kaniya ang maong proyekto gumikan kay kinahanglan nga makuha niya ang emosyon sa mga tawo nga molantaw niini.

Plano ni Jackie

Gibutyag ni  Jackie Rice nga nakauyon  siya og maayo sa iyang role nga  kontrabida sa pipila niya ka TV projects. Target sa aktres nga masuwayan ang nagkalain-laing karakter aron matawag na siya puhon og dekalibreng artista.

Cess nasUrpresa

Hangtud karon, wala gihapon makatuo si  Cess Visitacion sa iyang kalit nga paggawas sa  PBB House gumikan sa force-eviction nga gisilot ni big brother kaniya human nakabuhat siya og daghang violations.

Pakpak alang ni Anne

Sipa nga mga pakpak ang nadawat ni  Anne Curtis atol sa iyang concert niadtong Biyernes sa gabii sa dihang gikanta niya ang "Let it Go". Gipasikat ang maong awit ni Idina Menzel sa 2013 animated film  nga "Frozen."

Juday gipakugang ni Ryan

Nihatag og surpresang birthday message  ang Kapuso star nga si Ryan Agoncillo ngadto sa asawa niya nga si Judy Ann Santos atol sa final episode sa "Bet on your Baby sa ABS-CBN niadtong Sabado.

Malangan ang operasyon

Gipadayag ni TJ Trinidad nga busy pa kaayo siya sa taping sa seryeng The Borrowed Wife sa GMA-7 busa dili pa siya magpa-opera sa iyang tuhod. Gusto sa aktor nga taas ang iyang pahuway kung ma-operahan na siya.

Makatikang og laing network

Dili ekslusibo sa GMA-7 ang beteranang aktres nga si  Coney Reyes . Igo ra siya mipirma og kontrata alang sa serye nga Ang Dalawang  Mrs. Real nga pagabidahan nila ni Dingdong Dantes ug Maricel Soriano.Kini nagpasabot nga mahimo gihapon nga molugwa si Coney sa laing istasyon.

Sara-Coco movie mo-click gyud

Napanglantawan ni Ogie Diaz nga mo-click gyud ang pelikulang "Maybe This Time" nila ni Sarah Geronimo ug Coco Martin.  Nalakip si Ogie sa maong pelikula ug nakita niya kung unsa kahumot sa publiko sila si Sarah ug Coco.  --Junas Flores

Coleen ug Billy gikataw-an

Kanunay nga makit-an sila si Coleen Garcia ug  Billy Crawford nga manuroy ug  magkinuptanay sila  sa ilang mga kamot apan giklaro sa duha nga friends gihapon sila. Gikataw-an lang sa ilang mga kritiko ang gipanabi sa duha nga matud pa padayon gihapon sila nga nag-ilhanay sa usa’g-usa. Suma pa sa mga himantayon nga tataw na kaayo nga duna na'y relasyon ang duha apan magsige gihapon kini og deny. 

Ipaglaban Mo ibalik

Ibalik sa ABS-CBN sunod buwan  ang legal drama series nga Kapag May Katwiran,   Ipaglaban Mo. Ang maong programa misikat niadtong 1992.

Jen mag-concert sa Araneta

Gipahibalo ni Jennylyn Mercado nga duna siya'y big concert nga mahitabo sulod karong tuiga. Naghinam-hinam na si Jen niini gumikan kay himoon kini sa Smart Araneta Coliseum.

Yasmien mawala sa showbiz

Gipadayag ni Yasmien Kurdi nga mopahuway siya og taas nga panahon sa Pampanga sa higayon nga matangtang na ang cyst sa iyang vocal chord. Operahan kini sa higayon nga mahuman na ang serye niya sa GMA-7 nga Rhodora X. Dili pa matino sa aktres kung kanus-a siya makabalik sa showbiz.

Mark gikasab-an sa GMA?

Niulbo ang hungihong nga matud pa nakatilaw og kasaba si Mark Herras sa iyang mother network nga GMA-7 gumikan sa iyang lenggua niadto nga matud pa duna'y attitude problem si James  Reid human wala kini managad kaniya sa set sa Sunday All Stars. Tak-om pa si Mark sa maong istorya.

Malaya ug John mag-duet

Malipayon gipahibalo sa  Fil-Am singer nga si Malaya Watson nga iyang maka-duet  ang  Grammy-winning singer nga si John Legend sa  finale sa American Idol (AI) Season 13.

Suma pa ni Malaya nga wala dayon siya makatoo sa dihang gisuginlan siya nga maka-duet ang dili basta-basta nga singer sa kalibutan.

Kahinumduman nga nakatungtong ra  sa Top 7 si Malaya  sa maong reality singing competition .

Type ni Antoinette

Gawas kang Dingdong Dantes, gusto  usab ni  Antoinette Taus nga makauban niya puhon sa mga umaabot niya nga proyekto sila si Sam ug Xian Lim.

Suma pa ni Antoinette nga nakita niya ang hugyaw nga abilidad sa pag-arte sa nahisgutan nga mga artista.

Kahinumduman nga nipirma og kontrata ang aktres sa Viva Talent Agency sa miaging semana ug panghinaut niini nga magsagunson ang iyang mga proyekto.

Sandara malantawan sa “My Love From the Star”

Gipadayag sa  usa sa mga sakop sa grupong  2ne1 nga si Sandara Park nga duna siya'y cameo role sa Korean hit series nga "My Love From the Star" nga kasamtangang malantawan karon sa GMA-7.

Tsika pa ni Sandara nga mubo ra gyud kaayo ang partisipasyon niya sa maong serye busa gipangandoy niya nga makabaton siya puhon og kaugalingong serye.

Nasayran nga gihangop pag-ayo dinhi sa nasud ang "My Love From the Star" nga gibitoonan nila ni  Jun Ji-hyun ,Kim Soo-hyun, Park Hae-jin, ug  Yoo In-na.

Cebuana napili nga Mrs. Philippines Globe 2014

Ang Sugbuanon nga pediatrician nga  si  Dr. Stephanie Tiro  Sitoy maoy napili nga  Mrs. Philippines Globe 2014 nga gihimo niadtong Sabado sa gabii sa SMX Aura sa Taguig City. Gikatigi ni Sitoy ang laing 22 ka mga kandidata gikan sa nagkadaiyang dapit sa nasud.

   Usa ka neurologist ang bana ni Stephanie ug duna sila'y duha ka mga anak.  Dili na bag-o ang pagsalmot niya og indigay sa kaanyag .  Si Stephanie maoy 2nd runner-up  sa Miss Cebu Tourism 1993 .

Ang ubang mga mananaug, naglangkob nila ni Sonia Mendoza (1st runner-up), Aileen Cavas (2nd runner-up),  Eizza Lim De Baron (3rd erunner-up),Fe Saligumba (Solane Mother of the Year), Maria Andrea Geronimo (Mrs. Celestial Beauty) ug Janice Trillo (Woman of Substance).