Luis may gusto pang gawing mag-isa, aminado ring hindi perpektong bf kay Angel

Masaya raw si Luis Manzano dahil hindi nadadala ng kasintahang si Angel Locsin ang karakter sa teleseryeng The Legal Wife sa totoong buhay, pero minsan daw ay may mga itinatanong ang aktres sa binata. “She was going through her script, sinasabi niya sa akin , ‘Ikaw ba, kung maglagay ako ng tracker sa phone mo, magagalit ka ba? Sabi ko, ‘Kapag nalaman ko without you telling me, maiinis ako of course.’ She even asks questions like what would a regular guy do,” kwento ni Luis. “Kumbaga, that’s how much they take care of the roles. Siya, parang nababali pa rin niya between Angel and her character. She’s studying her character although she doesn’t live her character,” dagdag ng binata.

Aminado naman si Luis na hindi rin siya perpektong kasintahan. “Wala naman, nagbago na ako. I was never a perfect boyfriend. I will never be a perfect boyfriend. But I’d like to think that I learned from my mistakes in the past. Hindi na rin, ayaw ko na ring lokohin ang sarili ko,” pagtatapat ng aktor.

May mga nagsasabing nalalapit na raw ang pag-iisang dibdib nina Luis at Angel kaya pinaghahandaan na ito ng magkasintahan. “I am a bit more ready pero kumbaga, there are still a few things that I want to do on my own as Luis Manzano,” giit ng binata.

Sam basted kay Julia

Nauugnay si Julia Barretto kay Sam Concepcion ngayon pero para sa dalaga ay wala naman siyang kinalaman tungkol dito. “I don’t know. Is he courting me? No. not at all. Sam C. is like my big brother,” nakangiting pahayag ni Julia. “I’m not aware of anything, promise. Sam C. is like my kuya talaga sa set because nakatrabaho ko siya when I was nine years old sa Walang Kapalit. So growing up I’ve always seen him as my kuya so I don’t know about those things. Wala talaga at saka kilala n’yo naman ako, career ang focus ko right now. Wala namang gano’n,” paliwanag ni Julia. Tinawanan na lamang daw ng dalaga nang marinig ang balita na nag-uugnay sa kanila ni Sam. “Eh kasi naman nakakatawa talaga kasi alam mo na kuya mo tapos it’s just so, well it’s showbiz  so expected. It’s funny, it’s funny,” giit ni Julia.

Alam rin daw ng dalaga na may kasintahan na si Sam kaya imposibleng ligawan siya ng binata. At kung wala namang karelasyon si Sam ay hindi rin naiisip ni Julia na magiging magkasintahan silang dalawa. “Kasi kuya talaga tingin ko sa kanya eh. So parang hindi,” pagtatapos ni Julia. -Reports from JAMES C. CANTOS