Luy-a ang pangbalay
CEBU, Philippines - Nagbaha nga mga kaayohan ang mahatag sa luy-a ngadto sa atong panglawas. Suma pa sa usa ka pagtuon niadtong 2009, giingong maayo itambal sa pagsakit sa likod sa tawo.
Suma pa ni Dr. Laurie Steelsmith nga author sa "Natural Choices for Women's Health", makatabang gyud ang luy-a kung maglisod og lihok ang imong lawas.
Giingong epektibo kaayo ang luy-a sa pagpawala sa kalipong. Makatabang kini sa pag-ayo sa diabetes ug arthritis.
Kung na-feel nimo nga padulong sip-onon ug mahilantan ka epektibo kaayo ang luy-a gumikan kay aduna kini content nga "antihistamine ug decongestant"
Ang imong buhaton, mag-andol ka og mga duha ka dangaw nga gidak-on sa luy-a. Ibutang nimo kini sa duha ka tasa nga tubig ug pabukalon sulod sa 20 minutos. Pagkahuman, ilain ang luy-a ug ang tubig. Ang tubig imong sagulan og dugos ug pug-an nimo og lemonsito ug maoy imnon. Human niini, kan-a sab ang luy-a. Buhata kini katulo sa usa ka adlaw sa dili ka pa mukaon.
Apan pahimangno sa eksperto kun aduna kay giinom nga tambal para sa imong balatian, kunsulta una sa imong doktor sa dili ka pa muinom ug mukaon og luy-a…Kinutlo gikan sa www.yahoo.com ug gisuwat ni Stephanie Taghap, FSUU Intern. (BANAT NEWS)
- Latest
