Baby… ni Juday, finale na

MANILA, Philippines - Makalipas ang walong buwang pamamayagpag sa ere, isang exciting na double celebration ang mangyayari sa top-rating game show na Bet on Your Baby kung saan sa season finale episode nito ay birthday rin ng certified na reyna ng telebisyon na si Judy Ann Santos-Agoncillo .

Ang dahilan ng pamamahinga ng Bet on Your Baby ay upang bigyang daan ang iba pang programa sa ABS-CBN at maging ang iba pang mga proyekto ni Juday gaya ng isang pelikula na malapit nang i-shoot.

Sa isang post sa Instagram sinabi ni Juday na nakasanayan na niya na bumangon ng maaga tuwing Martes para sa lingguhang taping ng game show.

“Im gonna miss this morning routine,” aniya.

Siksik sa saya naman ang magiging season finale ng Bet on Your Baby dahil dito ipagdiriwang ni Juday ang kanyang ika-36 na kaarawan, kung kaya ang contestants sa nasabing episode ay pawang mga malalapit na kaibigan ni Juday.

Highlight din ng Bet on Your Baby Birthday Special Finale Episode ang pagbisita sa set ng game show ng mister ni Juday na si Ryan Agoncillo maging ang kanilang mga anak na sina Yohan at Lucho.

Maki-party na sa Bet on Your Baby tuwing Sabado sa ABS-CBN pagkatapos ng TV Patrol Weekend. 

Patuloy din na pag-usapan ang game show gamit ang hashtag na #BetOnYourBabyPH.