Jodi wala matandog

CEBU, Philippines - Human ni Richard Yap, si  Jodi Sta. Maria na pud ang midepensa sa seryeng  "Be Careful With My Heart"  kinsa gisaway sa ubang mga tawo nga matud pa nag-uga na ang dagan sa istorya niini. Matud pa ni Jodi nga nalingaw ang viewers sa maong serye ug mao kini ang hinungdan nga nagdugay kini sa ere.

Zoren midayeg sa BIR

Gidayeg ni Zoren Legaspi ang Bureau of Immigration gumikan kay giabi-abi gyud siya niini. Padayon nga mikooperar si Zoren sa maong ahensya human siya gipasakaan og karong tax evasion. Suma pa ni  Zoren nga inosente siya busa gusto niya masayod sa kasaypanan nga iyang nabuhat.

Journey

Mapasigarbohong gibutyag ni Kyla nga siya mismo ang nag-compose sa pipila ka mga unod sa bag-ong album niya nga nag-ulohan og "Journey" nga gipaluyohan sa Poly East Records. Mitabang kaniya sa  pag-compose  mao ang iyang mga higala nga sila si Jay-R ug Kettle Mada.

Maglisod og duaw

Gibutyag sa abogado ni Raymart Santiago nga si Atty. Ruth Castillo nga taud-taud na nga wala mahimamat sa aktor ang duha ka mga anak nila ni Claudine Barretto. Nagkainit ang away nila ni Claudine busa maglisod siya og duaw sa iyang mga anak.

Mark kalmado

Gipadayag ni Mark Bautista nga wala siya nahulga sa nagkadaghan na nga mga singer karong panahona. Suma pa ni Mark nga duna siya'y pagsalig sa iyang talento busa wala'y angay nga kabalak-an.

Makisig mobiya sa nasud

Target ni Makisig Morales nga mobiya na sa Pilipinas sa katapusang bahin karong buwana.  Matud pa niya nga siya na lang ang nahabilin dinhi sa Pilipinas gumikan kay sa Australia na nagpuyo ang iyang pamilya.

Congrats Chito ug Neri

Mipadangat sa ilang pahalipay ang nagkadaiyang personalidad sa telebisyon sa bag-ong engaged couple nga sila si Chito Miranda. Kini naglakip kanila ni Bianca Gonzalez, Ramon Bautista, Rico Blanco ug Armi Millare.