Mana sa lola!

Naghahanap ng talent fee ang apo ko na si Kinsey dahil sa Mother’s Day greetings niya sa akin sa Startalk noong Linggo.

Manang-mana sa lola ang bagets na nagtatanong kung may bayad ba raw ang pagbati niya sa akin ng Happy Mother’s Day. Hindi ko masagot ang tanong ni Kinsey dahil tatanungin ko muna ang executive produ ng Startalk.

Happy birthday Hayden…

Birthday ni Hayden Kho, Jr. sa May 20 kaya binati ko siya ng happy birthday. Sinabi ko kay Hayden na kakausapin ko na siya dahil bukod sa pareho kami ng kaarawan, birthday din ni Kinsey sa May 20.

Wish ko lang, magkaiba ang ugali nina Hayden at Kinsey. Hindi ko pinangarap na magkaroon ako ng problema sa apo ko kapag nagbinata na siya at natuto nang gumamit ng built-in camera sa mga laptop!

Cristine inaming buntis nga ang kanyang ate Ara, pangalawa na

Pagkatapos ipakilala si Julie Anne San Jose bilang endorser ng Careline, si Cristine Reyes naman ang ipina-presscon kahapon ng Ever Bilena Cosmetics Inc. dahil siya ang image model ng EB Advance.

Kung para sa mga teenager ang Careline, ginawa nang Ever Bilena Cosmetics Inc. ang EB Advance para sa mga kababaihan na kaedad ni Cristine.

Na-reveal kahapon sa presscon ng EB Advance na pregnant uli si Ara Mina, ang ate ni Cristine. Hindi na siguro idi-deny ni Ara ang kanyang kalagayan dahil ang kapatid niya ang nagsabi na buntis uli siya.

Ang pagbubuntis niya for the second time around ang katuparan ng dream ni Ara na magkaroon ng anak. Nagbuntis siya noong 2013 pero nagkaroon si Ara ng miscarriage. Ang Bulacan, Bulacan Mayor na si Patrick Meneses ang ama ng ipinagbubuntis ni Ara.

Cristine dalawang pelikula muna ang aasikasuhin

Pahinga muna si Cristine sa paggawa ng mga teleserye dahil dalawang pelikula ang ginagawa niya, ang Trophy Wife at The Gifted.

Si Andoy Ranay at hindi na si Elwood Perez ang direktor ng Trophy Wife. Si Andoy ang direktor ng blockbuster movie na Diary ng Panget ng Viva Films.

Hindi pa naglalabas ng statement ang Viva Films tungkol sa pagkaitsa-puwera ni Elwood sa Trophy Wife.

AiAi KAY Mr. Right lang ibibigay ang ‘virginity’

Nagbibiro lang si AiAi delas Alas nang sabihin nito na magkakaroon siya ng search para sa lucky guy na makakasubok sa kanya pagkatapos ng FemiLift procedure ng Belo Medical Clinic.

Hindi nagmamadali si AiAi dahil isusuko lamang niya ang new found virginity sa karapat-dapat na lalaki na magmamahal sa kanya nang tapat.

I repeat, hindi nagkamali si Dra. Vicki Belo sa pagkuha kay AiAi bilang endorser dahil umingay nang husto ang FemiLift pagkatapos ng presscon noong Martes.

Malaking tulong ang malinaw na explanation nina Mama Vicki at AiAi tungkol sa FemiLift o Pussykip procedure.

Gladys excited nang makalakad!

Happy si Gladys Reyes dahil maganda ang mga feedback sa Kambal Sirena at sa bagong talk show niya sa GMA7, ang Basta Every Day Happy.

Ganadung-ganado si Gladys na magtrabaho, lalo na nang malaman niya na magkakaroon na siya ng mga paa sa kanyang mga eksena sa Kambal Sirena.

Barracuda ang pangalan ng karakter ni Gladys sa Kambal Sirena. Magiging paa na ang kanyang buntot dahil pupunta na si Barracuda sa mundo ng mga tao.