Nora gipadamgo sa birhen
CEBU, Philippines - Gisaysay sa beteranang aktres nga si Nora Aunor nga gipadamgo siya ni Mama Mary sa dihang wala pa niya dawata ang karaan niya nga pelikula nga Himala. Gisuginlan siya sa Mahal nga Birhen nga dili gyud kalimtan ang pagrosaryo aron masulbad ang mga suliran nga iyang giatubang.
Instrumento sa paglampos
Kung gihigugma nimo ang imong gibuhat, seguradong magmalampuson ang career sa usa ka tawo. Mao kini ang gipadayag sa singer nga si Rachelle Alejandro ug nahisama sa maong senaryo sila si Martin Nieverra ug Gary Valenciano kinsa nagsidlak-sidlak gihapon ang singing career karong panahona.
Annulment case gipasaka
Giangkon ni Sunshine Cruz nga gipasaka na niya sa korte ang annulment case nila sa iyang bana nga si Cesar Montano ug nahitabo kini sa miaging buwan. Mapasalamaton na hinuon si Sunshine ngadto kang Krista Miller gumikan kay matud pa gawasnon na siya kang Cesar. Si Krista maoy na-link nga babaye ni Cesar niadto.
Alex nausab na!
Tsika pa ni PBB Celebrity Housemate Alex Gonzaga nga dili sila close sa iyang inahan sa una. Nagkanayon si Alex nga bag-ohay pa lang sila nga nagka-close ug nagsugod kini sa dihang mo-share na siya sa iyang problema sa iyang inahan. Matud pa niya nga sa iyang higala lang siya modangop niadto kung duna siya’y mga problema.
- Latest
