Mga poging bakla, todo patalbugan
MANILA, Philippines - Sasabak na sa kanilang huling pagrampa at pagÂpapasiklaban ng kapogian, talino, at talento ang 23 na grand finalists ng I Am PoGay ngayong linggo bago ang inaabangang grand finals nito ngaÂyong Sabado (May 10) sa It’s Showtime.
Mula sa 23 sa week-long grand finals, kukunin ang top 10 na siyang pagpapasiyahan ng mga huraÂdong sina Lani Misalucha, Richard Gomez, at host na si Jhong Hilario. Abangan din sa Sabado kung sino pa ang dalawang bigating huradong hahanay kina Lani, Richard, at Jhong.
Ang top 10 namang ito ang muling magpapasikat para makapasok sa top 5, na siyang sasalang sa question and answer portion. Dito magkakaalaman kung sino ang karapat-dapat na maging kauna-unahang grand winner ng I Am PoGay.
Sino nga ba ang tatanghaling pinaka-PoGay at mananalo ng grand prize na P300,000?
Inilunsad ang I Am PoGay noong Enero upang bigyang pagkakataon ang mga bakla na magpasikatan matapos ang matagumpay na That’s My Tomboy pageant ng Kapamilya noontime show para sa mga tomboy.
- Latest
