Dingdong natatakam sa likod at puwet ni Marian

Ang ganda-ganda ni Marian Rivera sa presscon kahapon ng Belo Medical Clinic.

Obvious na hiyang na hiyang siya sa Laser Hair Removal at Venus Freeze treatment sa kanya ng famous clinic ni Dra. Vicki Belo.

Natagalan ang pagiging Belo endorser ni Marian pero hindi siya nainip dahil sa kanyang paniniwala na may perfect time para sa lahat.

Natawa si Marian nang itanong sa kanya ang bahagi ng katawan niya na paborito ni Dingdong Dantes. Ang likod niya ang sagot ni Marian dahil gustung-gusto raw ni Dingdong ang magandang kurbada ng kanyang likod.

Lalong natawa si Marian nang itanong ko kung papayag ba siya na i-try ang Pussykip pagdating ng panahon na kailangan na niya.

Si Mama Vicki ang sumagot na para lamang sa mga babae na nagkaroon na ng dalawang anak at above 35-years old ang qualified sa Pussykip. Eh dalagang-dalaga si Marian at bagets pa kaya hindi niya kailangan ang bagong procedure ng Belo Medical Clinic.

Para sa mga hindi pamilyar, vagina tightening ang Pussykip na kilala rin bilang Femmelift.

Hindi ko kailagan ng pampasikip ng hiyas!

Hindi ako nasindak o nahiya sa sinabi ni Mama Vicki na ako ang dapat sumubok sa Pussykip.

Kesehodang nasa presscon kami para kay Marian, dinepensahan ko ang sarili ko sa dialogue ni Mama Vicki. Hindi ko kailangan ang Femmelift o Pussykip dahil wala naman gumagamit sa akin ‘no!

Laugh lang nang laugh sina Mama Vicki, Marian at Cristalle Belo sa mga kagagahan na sagot ko.

Panggugulpi kay James, biro lang ni Mark

Nakarating sa akin ang balita na nagsalita si Mark Herras na baka gulpihin niya si James Reid dahil hindi ito marunong bumati o magbigay-pugay sa mga co-stars niya sa Sunday All Stars.

 Knowing Mark, nagbibiro lang siya nang sabihin niya ‘yon dahil hindi naman bayolente ang kanyang personality.

Nanibago lang siguro si Mark kay James dahil bagong salta ito sa Sunday All Stars at isa pa, likas na mahiyain ang star ng Diary ng Panget.

Nag-guest noon si James sa Startalk at ako pa ang nagpatawag sa kanya sa isang staff member ng aming show para makilala ko siya.

Nasa isang sulok lang kasi si James at naramdaman ko na nahihiya siya kaya ako na ang nagpatawag sa kanya.

Hindi dapat matakot o mahiya si James kay Mark. I’m sure, darating ang araw na magiging best of friends sila. Si Mark pa?

Alessandra nawindang sa relasyon nila ni Sid

Kahit hindi ako nakapunta kahapon sa presscon ng Basta Every Day Happy, alam ko ang mga nangyari dahil sa kuwentuhan ng mga reporter na inuna ang presscon ng newest morning talk show ng GMA7 bago sila umapir sa presscon ng Belo Medical Clinic para kay Marian Rivera.

Mga host ng Basta Every Day Happy sina Donita Rose, Gladys Reyes, Alessandra de Rossi, at Chef Boy Logro.

Sinagot ni Alessandra ang tsismis na nagkaroon sila ng secret relationship ni Sid Lucero. Actually, walang kamalay-malay si Alessandra na nali-link siya kay Sid.

Idinenay niya ang tsismis pero inamin ni Alessandra na matagal na silang magkaibigan ni Sid. Naloloka si Alessandra dahil hindi niya alam kung saan nanggagaling ang mga pang-iintriga sa kanyang personal na buhay. Hindi siniseryoso ni Alessandra ang tsismis dahil mas importante na everday happy siya.

Exhibit ni Heart sa Ayala Museum nagbukas kahapon

Invited ako sa opening kahapon ng art exhibit ni Heart Evangelista sa Ayala Museum, pero hindi ako pumunta dahil hindi ko pinangarap na magdusa sa trapik.

Hindi naman magtatampo si Heart dahil alam niya na tamad na tamad ako na pumunta sa mga lugar na overacting ang trapik. Hindi man ako nakarating sa opening ng kanyang art exhibit, haharbatan ko na lang si Heart ng art work niya na siguradong magiging collector’s item balang-araw.