Rihana gikiha sa kanhi body guard

CEBU, Philippines -  Gikiha ang pop star nga si Rihanna sa kanhi niya bodyguard gumikan kay matud pa nagpataka og hatag og komento ang singer ngadto kaniya.

Nakatigi sa 26-anyos nga singer  ang kanhi niya bodyguard nga si Geoffrey Keating kinsa nipasangil kang Rihanna nga militok og sakit nga pulong ngadto kaniya pinaagi sa pagpadala og email ug lakip sa gipadad-an niini mao ang iyang asawa.

Si Keating, kinsa mitrabaho kang Rihanna alang sa iyang  Diamonds tour sa nilabay nga mga katuigan  miangkon nga ang maong mga komento nga gipadayag sa singer nakahatag og kadaut sa  iyang reputasyon .

Ang gusto karon sa iyang  kanhi bodyguard nga malimpyo ang iyang ngalan ug bawion sa maong singer ang mga panaot niini batok kaniya Wala hinuon niya gidetalye kung unsa nga mga mahait nga pulong ang iyang nadawat gikan kang Rihanna.  

Venus mosulod sa politika

Desidido gyud ang  beauty queen nga si Venus Raj nga  tiwason ang iyang pagtungha ug maangkon ang iyang Master's Degree sa Community Development didto sa UP Diliman.

Tungod sa maong kurso,  daghan matud pa  siya og matabangan ilabi na sa ilang probinsya sa Bato, Camarines Sur kung diin siya nagdako.

Bukas si Venus nga mosulod sa kalibutan sa politika gumikan kay target niya nga makatabang sa  mga kabatan-onan nga makahuman sa  ilang pagtungha.

Dugang pa niya nga wala siya'y nakitang dautan sa politika basta buhaton lang gyud  ang mga responsibilidad niini ngadto sa katawhan.Gusto ni Venus nga magsugod sa mubo nga posisyon aron daghan siya og makat-onan.