Korean Beauty Tips

CEBU, Philippines - Ang mga Korean giisip nga usa sa labing nindot og pamanit sa tibuok kalibutan. Karon, pinaagi sa artikulo nga gimantala sa http://www.stylecraze.com matribukar na gayud ang ilang beauty secrets:

Adequate Hydration

Kumbinsido ang mga Korean nga ang pag-inom og daghang tubig makatabang  aron himsog ug nindot ang ilang  pamanit ug gani ilang sugdan ang ilang adlaw sa pag-inom og usa ka tasang tubig dayon manghilam-os og bugnaw’ng tubig sulod sa pipila ka minuto.

Dugang pa, ang prutas ug gulay ang labing importante sa ilang pagkaon sanglit menos ang ilang pag-consume og sodium. Kini aron nga magpabilin ang hydration sa ilang lawas.

Regular cleansing,Toning and Moisturizing

Adunay talagsaong pamaagi sa pag-apply sa mga skincare products ang mga Koreans tungod kay  dako ilang pagtuo nga kini makabunga og maayong resulta sa ilang pamanit.

Cleansing:  Ang Korean-actress nga si Suzy Bae mipaambit sa '424' technique diin kinahanglan limpyohan nimo ang imong nawong gamit ang oil, (coconut, almond o bisan unsang cleansing oil), sulod sa upat ka minuto, pagkahuman sundan kini sa paggamit og foaming cleanser sulod sa duha ka minutos, dayon hilam-osan ang nawong sulod sa laing upat na sab ka minutos. Kinahanglan kini buhaton gamit una ang lukewarm water, ug sa kataposan mao ang bugnawong tubig aron masira ang mga open pores.

n Toning:  Alang sa mga Koreans, mas uyon sila nga ipahid ang toner gamit ang mga tumoy sa tudlo aron sa mas mutuhop kini sa nawong.

n    Moisturizing:  Sa pagkiskis sa duha ka kamot, ang produkto mahimong mainitan sa mga tudlo ug human ipahid kini ngadto sa naw’ng gikan sa taas paingun sa ubos .

n  Beauty Sleep Ang pagkatulog og sakto-- unom hangtod walo ka oras-- importante alang sa himsog nga pamanit.

Facial Stretching Exercise

Ang paglitok og ''Ma Me Mi Mo Mu" napulo ka higayon  mao ang labing komun nga himuon sa mga Korean actors ug actresses isip exercise sa ilang lip ug cheek muscles.

Gi-rekomendar usab nga maayo ang pag-stretching sa facial muscles kung dunganan kini og pagginhawa. (Itchelle P. Sarias CNU B.A Communication Intern)