BB. Pilipinas 2014 winners mangungumpisal kay Boy Abunda

MANILA, Philippines - Ibabahagi ng recently crowned Bb. Pilipinas 2014 winners na sina Yveth Santiago (Bb. Pilipinas Supranational 2014), Parul Sha (Bb. Pilipinas Tou­rism International 2014), Kris Tiffany Janson (Bb. Pilipinas Intercontinental 2014), Bianca Guidotti (Bb. Pilipinas International 2014) at Mary Jean Lastimosa (Bb. Pilipinas Universe 2014)ang kani-kanilang biyahe patungo sa pagwawagi ng korona sa The Bottomline With Boy Abunda ngayong Sabado (Abril 26).

Ikukuwento ng nasabing beauty queens ang kanilang naging paghahanda para sa kumpetisyon, pati na mga payo para sa mga nagnanais na makilala at umangat sa beauty pageants. Anu-ano at sinu-sino ang kanilang mga inspirasyon? Ano nga ba ang ibig sabihin ng kagandahan para sa kanila? Ano ang pinakamahirap na bahagi ng pagsali sa isang beauty pageant? Sino sa kanilang co-candidates ang itinuring nilang pinakamalaki nilang kakumpetensya?