Cutie chinito on the rise

Bisan pa man sa iyang linghod nga pangidaron, wala gayud mamahimong babag sa cutie   chinito ang pagdaog sa mga nagkalain-laing male beauty pageant titles sa Sugbo.  Ang chinito nga si Carl Clint Lu mao ang Mr. Olive-C  Cebu  2013 kinsa  layo na ang naabot  sa edad  nga 17-anyos.

Tuod man wa pa siya’y  igong kasinatian sa mga sangka sa kaambongan, apan sa unang higayon sa iyang pag-apil sa miaging tuig, nagsunod-sunod na ang iyang pagdaog sa mga nagkadaiyang titulo. Lakip sa titulong iyang nalangkat mao ang Mr. CIT Civil Engineering ’13,  Mr. PICE Cebu ’13 ug  ang labing uwahi ang  Mr. Olive-C Cebu ’13. Si Carl Clint, ang kamanghuran sa tulo ka mga magsuon.  Ang wa’y puas nga pagmahal ug pagsuporta sa iyang pamilya mao  nagsilbing inspirasyon ni Carl Clint sa iyang pag-apil sa mga pageants, ilabi na ngadto sa iyang amahan nga mitaliwan na nga maoy naghatag kaniya og dugang nga kadasig ug kalig-on nga mamahimong malampuson sa bisan unsang butang.

Q and A

BNH:  Pila mo gatigi sa titulo? Sa Mr. PICE ’13? Mr. Civil Engineering CIT ‘13?  Mr. Olive-C ‘13?

Carl:  Sa Mr. Civil Eng. CIT  five  mi ka laki kay by year siya, nag-represent ko sa  1st year. Sa Mr. PICE kay eight ka  laki, nag- represent ko sa CIT kay interschool competition siya with all the universities nga naay civil engineering. Sa Mr. Olive-C  kay twelve ka laki.

BNH:  Ikaw ang midaug nga Mr. Olive-C  Cebu  2013, unsa’y imung mga pagpangandam sa wala pa ang maong grand finals sa Mr. Olive-C?

Carl:  Ang akong pagpangandam kay ang pag- practice og lakaw/paso ug mga pose, n’ya nag-practice pud ko sa  Q and A with my handler, nya saktong tulog ug pag-amping sa kaugalingon aron presko tan-awon. Ug labing importante sa tanan ang pag sige og ampo sa Ginoo kay ako ning gisalig tanan sa Iyaha.

BNH : Unsa imong gibati human ikaw ang milangkat sa titulo? Gi-expect ba nimu imung kadaugan sa maong pageant sa Mr.Olive-C?

Carl:  Lipay ko of course nga nadaog ko. Wala lang ko mag expect nga modaog pero nisalig ko sa Ginoo na tagaan ko niya’g kadaugan.

BNH: Unsa para nimo ang imung nagsilbing “edge” ngadto sa uban nganung ikaw ang midaug ? 

Carl:  Ang akong edge kay ang akong pagka- newbie especially during sa Olive-C  na pageant kay mostly sa ilaha kay hanas na tungod sa kadaghan sa ilang mga naapilan, nadaugan ug na-experience. Ang akong pagka-newbie ang gihimo nakong rason nga mag strive harder ko para makapangandam ko og maayo aron makalangkat sa titulo.

BNH: Karun nga nagsugod naka og apil-apil sa mga nagkalaing-laing contests, posible ba nga musulod na usab ka sa pag-modelo o dili kaha sa pag-artista o mu- focus sa ka sa imong studies?

Carl:  Ang akong priority sa life ang pag- focus sa studies,  pero if given the chance na mag artista then akong dawaton. But di lang nako pugson kung dili gyud na para sa akoa.

BNH: Gi-unsa nimu pag-balanse ang imung oras sa pag-apil sa mga contests samtang ga-eskwela ka? Dean’s lister pa gyud ka?

Carl:  Priority gyud nako ang pag study before sa training sa contests. Unahon gyud nako ang paghimo og requirements ug pagtuon bago ko mag- practice.

BNH: Unsa man ang imung sunod nga planu human  makadaog niining mga pageants?

Carl:  Padayon lang jud ko sa pag-eskwela but if naay bigger opportunities moabot then I will give it a try.

BNH: Sikat na ka og daghan na ang na kaila nimu gani daghan naka og mga friends ug followers sa Facebook, para nimu unsa’y mga nabag-o o na-usab sa imung kinabuhi human ka mi-apil ug makakuha sa nagkalain-laing mga pageant titles?

Carl:  Daghan ko mga bag-ong na kailang mga friends ug lipay pud ko na makahatag ko nila’g inspirasyon na  importante gyud ang pag-eskwela, ug dili ni dapat balewalaon. Ug mabalanse nato ang pag-eskwela o ang pag-apil og mga extracurricular activities. Basta naa la’y saktong disiplina sa kaugalingon ug pag-prioritize sa mga importanteng buhaton. Lastly, ang pag-ampo na tagaan ka og guidance sa Ginoo.

BNH:  Last hirit, sumpayi kining maong linya: Ang tinuod nga gwapo...

 Carl:  Ang tinuod nga gwapo  dili mabasi sa ka nindot’s itsura, kadako’s lawas, kabagas pitaka kun dili sa kamaayo’g kasing-kasing. Ang tinuod nga gwapo kay ang akung papa tungod anak ko niya gwapo na pud ko.

Si Carl sakop sa Limerick Productions nga gidumala sa sikat nga designer, choreographer ug pageant director nga si Lemuel Rosos.

Fast Facts:      

Name: Carl Clint B. Lu

Birthday: May 24, 1996

School/degree:  CIT-U/ B.S in Civil Engineering

Hobbies: Working out, net

Motto: Fear No Hardships

Achievements/ Titles:

­Mr. CIT Civil Engineering ‘13

­ Mr. PICE Cebu ‘13

­ Mr. Olive-C Cebu ‘13