Solenn palaging nagpapakita ng panty

Puwede nang magsaya ni Vhong Navarro dahil marami akong nakasabay na  nanood ng Da Possessed nung Black Saturday. Kuha naman ng movie ang pangunahing layunin nito na magpatawa ng manonood dahil nakakatawa talaga ang pelikula. Pumayag si Vhong na papangitin siya para lang maging mas nakakatawa.

Mukha namang ang simpatiya ng tao ay na kay Vhong pa rin. Aliw na aliw sila habang pinanonood ang pelikula na alam nilang kinunan sa panahong may pinagdadaanan pa ito. Walang mababakas na anuman sa kanya. Nakakaaliw din si Solenn Heussaff na sa sobrang iksi ng damit ay palaging nakikita ang panty.  Talagang sinamantala ni Bb. Joyce Bernal ang kaseksihan niya. Panay pa naman ang action scene nito. Hindi tuloy nahalata na magagaling ang mga kasamahan niyang komedyante na kung hindi siya magpapaseksi ay mapag-iiwanan siya.

I took also the opportunity para mapanood ang isang pelikula na kumikita  kahit bagung-bago ang mga artista. Ito ang Diary ng Panget. Sabihin mo nang PBB Teen Edition winner si James Reid, pero rito lamang sa pelikula ng Viva siya nagsimulang mapansin. Gandang lalaki niya talaga at may abs. Gandang lalaki rin ng anak ni Benjie Paras na si Andre. Ang ganda ng rehistro niya sa screen. Si James, mahasa lang mabuti sa Tagalog ay maraming patataubing mga kasing bata niya at kasing bagong artista, o kahit na ‘yung mas nauna na sa kanya. Nadine Lustre will really have to make the effort para hindi makamukha ng maraming artista, lalo na ni Kathryn Bernardo, dahil siya ang magdurusa. Hindi kapani-paniwala na  papatulan siya ng dalawa sa pinakagwapo sa campus, bagaman at maski na ‘yung mga kabataang ekstra na ginawang suporta sa pelikula ay pawang mga guwapo at magaganda rin.

Pinaiyak naman ako ng ikatlo sa pinakahuling pelikula na pinonood ko nung Sabado de Gloria. Ito ang kuwento ng anak ng isang pastor na hindi man namatay, pero habang inooperahan ay nakita ang Diyos, ang langit at mga anghel. Ewan ko, pero ako nainggit sa apat na taong gulang na bata na ayaw paniwalaan na nakakita  ng milagro. At  ang pag-aalinlangang ito ng tao ang pagdaraan nila ng pamilya niya sa Heaven is for Real. Nakakainspire talaga!

US naging takbuhan ng mga may problema sa puso

Parehong nasa U.S. ngayon ang mga personalidad na sangkot sa mga kontrobersyal na hiwalayan sa mundo ng showbiz, sina Tates Gana, ang ina ng dalawang anak ni QC Mayor Herbert Bautista na sina Harvey at Athena na parehong nagsisimula na ring tahakin ang landas na tinahak ng kanilang  ama (Mayor Herbert) at mga kapatid nito (Harlene at Hero) at bago sila ay ang lolo nila (Boots Bautista ng pamosong Low Waist Gang na kinabilangan din ni Fernando Poe, Jr.). Nasa Goin’ Bulilit si Harvey at ang ate niya ay may ginagawang indie film. Nag-leave of absence lamang ang bunso ni Mayor sa GB para palamigin ang isyu ng love life ng kanyang ama na unti-unti na ring nagbibigay ng hindi magandang epekto sa kanya. Sumama ito sa kanyang ina at ka­patid sa U.S. para magbakasyon bagaman at malakas ang ugong na dun na sila maninirahang mag-iina at dun na rin ipagpapatuloy ang kanilang edukasyon.

Nasa U.S. din si Geoff Eigenmann. Sumama ito sa kanyang inang si Gina Alajar para bumisita sa nakakabata niyang kapatid na si AJ Eigenmann na matagal nang residente ng Las Vegas. Magpapaiwan ito kay Gina na kinakailangang magbalik agad ng bansa dahil sa napakara­ming trabaho nito. Walang iniwang trabaho si Geoff kaya hindi niya kailangang magmadali sa pag-uwi. Habang naroroon, tatangkain nito na malunasan agad at magamot ang sugat ng kanyang puso na nalikha ng pagbi-breyk nila ng girlfriend niya of four years na si Carla Abellana.

Tila nauusong lugar na takbuhan ng mga may sugatang puso ang Amerika. Let’s all hope for their speedy recovery.

Jennylyn pahinga muna sa diving

Muli, Jennylyn Merado has set the record straight. Na bukod sa pagiging magkaibigan at magkatrabaho nila ni  Benjamin Alves ay wala silang ibang relasyon.

At matapos ang kanyang aksidente sa diving na nagdala sa kanya sa ospital pahinga muna sa sports na ito ang aktres, pero sinabi niyang hindi naman niya tatalikuran.