Dingdong lakip sa muhukom sa student achievers

CEBU, Philippines -  Lakip na sa mulungkob isip hurado sa GMA Network Excelence Award 2014 ang Kapuso Primetime King nga si Dingdong Dantes.

“Dingdong’s passion for excellence has been proven by his outstanding achievements on and off the camera. His vast experience in the entertainment industry makes him a perfect panelist for the GMA Network Excellence Award,” ni Teresa Pacis, GMA AVP for Corporate Affairs. Nasayran nga si Dingdong bag-uhay nakakuha sa iyang diploma human siya mi-gradwar sa kursong B.S Administration major in Marketing Management sa West Negros University.

Gikatahong mulagwa  ang primetime actor   sa primetime TV drama series Ang Dalawang Mrs. Real, kauban sila si Diamond Star Maricel Soriano ug  award-winning actress Lovi Poe. Ang GMA Network Excellence Award mao ang academic program sa kompaniya nga magpasidungog sa mga student achievers sa natad sa communication ug engineering matag tuig.  

“Best In Runway”

Lima ka mga hugyaw nga mga kandidata ang gi-koronahan isip “Best in Runway” sa siyudad sa Mandaue City niadtong miaging Abril 12 sa Heritage Plaza. Lakip sa mga mananaog mao sila si Sam de la Pena para sa “Miss Mandaue”(Air), Richelle Mae Cabahug sa “Queen of Mandaue”(Earth), Angel Montero sa “Miss Geisha” (Fire), Benedict John Codilla ug  Honey Mae Tagalog sa “Prince &Princess of Mandaue”  (Water) niadtong gabhiuna.

Ang mga hurado sa nahisgutang pageant mao sila si Cenelyn Mangilimotan, president  sa HRACC, Enrico Luk, managing officer sa Serenitea nga usa sa mga sponsor ug Ma. Elena Gabaya, usa ka businesswomen, model, philanthropist ug fashion designer. (Itchelle P. Sarias CNU B.A Communication  Intern)

Roxanne wala mawad-i og paglaum

Nanghinaut ang  aspiring beauty queen nga si Roxanne Cabañero nga dili masusama sa  modelong si Deniece Cornejo ang gipasaka niya nga  kasong rape batok sa  TV host/actor nga si Ferdinand "Vhong" Navarro.

Kahinumduman nga gibasura sa  Department of Justice ang kasong rape ni Cornejo batok kang  Navarro.

Masaligon si Cabañero nga magmadaugon siya sa kaso gumikan kay nagsulti siya sa tinuod.

"Sinasabi ko 'yung totoo. Hindi ako mawawalan ng pag-asa o madi-discourage,” matud pa niya. Naglikay  na si Cabañero nga mobasa og mga online forum gumikan kay nasakitan siya sa mga negatibong komento batok kaniya.

Ejay kever sa manaot  kaniya

Nasayod si Ejay Falcon nga padayon siya nga giatake sa iyang mga kritiko apan wala gyud siya mopaghot gumikan kay wala’y igong rason nga tubagon pa niya ang mga tawong manaot kaniya. Matud pa niya nga  nagkalain-laing ang opinyon sa mga tawo busa kever lang siya kung dunay mosaway sa iyang pagkatawo. Nasayran nga duna gihapo’y mga tawo ang mosaway sa inartehan sa aktor.

“Deadma lang kasi pag pinatulan mo mas lalong lalaki ‘di ba? At saka hindi ako napipikon eh. Hangga't hindi ako napipikon, hindi ko sasagutin. Parang deadma lang kasi alam naman natin yung totoo,” nagkanayon si Ejay ngadto sa push.com.ph.

Sarah ekslusibo gihapon sa GMA

Nagpanikad na si Sarah Lahbati sa programang  More Than Words sa TV5 ug ipasalida na kini karong  May 11. Giklaro ni Sarah nga nagpabilin siya nga exclusive artist sa GMA Network apan gitugtan ra siya nga malakip sa maong proyekto.