Ted, bubusisiin ang pagsulputan ng faith healers

MANILA, Philippines - Hihimayin ni Ted Failon ang paglaganap ng faith healing, o ang milagrosong panggagamot at pagpapagaling sa pamamagitan ng paniniwala ngayong Sabado (Abril 12) sa Failon Ngayon.

Kung marami ang nagpatunay sa bisa ng faith healing, marami rin ang tumutuligsa sa kanila dahil na rin sa pagkalat ng mga pekeng faith healers na nanloloko ng mga pasyente para lang kumita.

Titimbangin din ni Ted kung naisasapuso pa ba ng mga Pilipinong Katoliko ang tunay na kahulugan ng Mahal na Araw at sa mga panahong ito ay nagsisisi sa mga kasalanan at pinagtitibay ang ang relasyon sa Diyos.

Itatampok din sa episode ang mga sinauna at makasaysayang gusali sa bansa na sumasalamin sa kasaysayan at kultura na mga Pinoy pati na rin ang pagbaba ng bilang ng mga pari sa Pilipinas.

Huwag palampasin ang Failon Ngayon ngayong Sabado (Abril 12), 4:45 p.m. pagkatapos ng SOCO sa ABS-CBN. May replay din ito sa ANC tuwing Linggo, 2 p.m.