Derek uunahin si Marian kesa kay Kris

Sa mga nanghihinayang na hindi magkakaroon ng katuparan ang kadidiskubre lang na off screen relationship nina Kris Aquino at Derek Ramsay which goes a long long long way back, nun gumawa pa sila ng isang commercial para sa San Miguel, will be happy to know na sa pagpirma ng Kapatid actor ng kontrata sa Regal Films malaki ang tsansa na magkasama sa isang pelikula ang dalawa.

Bagaman at kay Marian Rivera unang ipapareha ang napaka-guwapong aktor na bukod sa nakakaarte ay kumita ang halos lahat ng pelikula na ginawa nito, tulad ng Praybet Benjamin kasama si Vice Ganda, No Other Woman with Anne Curtis and Cristine Reyes at A Secret Affair, again with Anne and Andi Eigenman,  narun din ang posibilidad na payagan ng Star Cinema si Kris na gumawa ng pelikula sa Regal dahil may kontrata pa ito sa pag-aaring kumpanya ni Mo­ther Lily Monteverde.

Matagal nang nililigawan ng Regal si Derek pero ngayon lamang nila ito napapayag na pu­mirma sa isang kontrata. Naging lubhang napaka-mapilit ni Ro­selle Monteverde sa alok sa aktor  dahil wala naman itong exclusive na kontrata sa alin mang film outfit. Bago ang Regal, inalok din ng APT ni Tony Tuviera si Derek. Bukod sa mga gagawin niya sa Regal, may alok din na isang indie film kay Derek na gustung-gusto niyang gawin kung ipahihintulot ng kanyang schedule.

Sa kanyang pagpirma sa Regal na sinaksihan ng entertainment media nung Huwebes ng tanghali, nalaman na matagal na silang friends ni Kris at hindi lamang siya kundi maging ang mga magulang niya. 

Isang sexy drama ang unang gagawin ni Derek sa Regal na pagtatambalan nila ni Marian. “I’m excited to work with her. She’s fantastic,” sabi niya.

James ipinaubaya ng gf kay kris

Naging isang family affair ang nakaraang birthday celebration ni James Yap, Jr. o Bimby dahil sa no-show ng kani-kanilang mga partner, si Mayor Herbert Bautista kay Kris at ang Italyanang si Michela kay James naman. Ang hindi pagdalo ng dalawa ay nagbigay ng pagkakataon para maging mas masaya at pampamilya ang event na pinagtulungan ng da­lawa para magawang masaya para kay Bimby.

Sa interview  sa dalawa na ginawa at napanood sa Kris TV para sa birthday ni Bimby, at napanood kahapon, nagkaroon pa rin ng ilang mga stressful mo­ments na hindi naman nakapagtataka dahil first time magkasama  ng dating mag-asawa. Swerte ng anak nila, dahil bati na ang mga magulang niya.

Aljur at Louise binusalan na

Tama lang na patahimikin ng GMA ang mga nag-aaway-away na sina Aljur Abrenica, Louise delos Reyes, Enzo Pineda, at Kylie Padilla, dahil hindi nakatutulong at nakasisira pa sa kanilang karir at imahe ang ginagawa nilang paglalabas ng kanilang mga sama ng loob sa kanilang account sa Instagram.

Empress piniperahan nang natipuhang driver

Isang naiibang May-December love affair ang ibabahagi ng Maalaala Mo Kaya ng ABS-CBN nga­yong gabi tampok sina Empress at Joey Marquez.

Gaganap si Empress bilang si Jhenny, ang dalagang binalewala ang pagtutol ng karamihan at buong pusong umibig sa isang may edad nang bus driver na si Ernesto (Joey).

Paano tatanggapin ni Jhenny ang katotohanang ang lalaking inibig niya nang lubos ay pineperahan lang siya?

Tampok rin sa MMK  sina Ynez Veneracion, Snooky Serna, Carla Guevara, Paco Evangelista, Louise Bernardo, at Simon Ibarra. Ito ay sa ilalim ng direksyon ni Nuel C. Naval.